بسم الله الرحمن الرحيم
طريقتى فى عمل البصارة جربوها حتعجبكم جدااا ان شاء الله
من ألبوم وصفاتى زمااان مع الخطوات المصورة
لا احلل نقل وصفاتى الا بذكر المصدر
المقادير
ربع كيلو فول مدشوش– 1 بصلة مفرومه – 1 بصلة جوانح – حزمة بقدونس – ملح – شطة – بسطرمة
الطريقة
نغسل البقدونس ونضعه فى القدر
ثم نضع عليه الفول بعد غسله جيدا
نضع مقدار الماية زى الصورة ثم يوضع القدرعلى النار
نخليه يغلى لحد مايستوى الفول ويكون فيه شويه مايه صغيريين ويكون بالشكل ده
بعد مايبرد نضربه فى الخلاط ونعيده للقدر تانى
فى الوقت ده نبدأ نحمر البصلة المفرومه فى الزيت
نضع الملح والشطة على البصارة لحد مايتحمر البصل
بعد مايتحمر البصل ويكون لونه فاتح معلش انا سبته يتحمر زيادة نحطه على البصارة
نجيب البسطرمة ونقطعها ونحطها فوق البصارة
نقلبهم ونسيبهم شويه صغيرين على النار وندوقها ونظبط الملح والشطه بتكون حلوة اوى وهى حاميه
نحمر البصلة الجوانح زى بصلة الكشرى ونزين بيها البصارة والف هنا وشفاااا ( بتتاكل مع بصل اخضر او بصل صغير متقطع ومنقوع فى الخل )
لا احلل نقل وصفاتى الا بذكر المصدر
المشاركة الأصلية كتبت بواسطة شعاع امل 
مش عارفة اختى انا شايفة الصور بعتذر ليكى
المشاركة الأصلية كتبت بواسطة امراه تسلمى حبيبتى اه بناكلها مع خبز ده الفول اللى بنعمل بيه الفلافل مش الحمص ده الفول اللى بنستخدمه لعمل الفول بس متقشر ومتكسر وعلشان كده اسمه مدشوش وموجود فى كارفور
المشاركة الأصلية كتبت بواسطة شعاع امل اسفة على ايه بس كفايه تشريفك فى موضوعى نورتينى ويارب ديمااا