التوجيه الاسري

هلا خواتي

بغيت اسأل اذا وحده عندها فكره شلون الاجراءات في التوجيه الاسري ؟؟
يعني اذا وحده بتفتح ملف طلب طلاق ,,, لازم موعد قبل او لا ؟ وبعدين … شنو اجراءاتهم عقب ؟ ياخذون وقت يتأخرون او لا ؟

انتظركم ………….

ينقل للقسم المناسب …

هي روحي وبيعطونج موعد

ربيعتي راحت لازم تسووين جلسات وياهم وكل مرة تاخذين موعد ويتاخرون لو انج ناوية ومعزمة وانتو متفقين ع الطلاق يرمي عليج اليمين 3 مرات ويكون في شهود وتخبرين الكل انه رمه عليج اليمين وتسيرين المحكمة وتخبرينهم انه طلقج بالثلاثة تاخذين موعد جلسة وياهم وتخلصين امورج بس بدون جي لازم جلسات الصلح صلي استخارة قبل

هييه تسيرين وتاخذين موعد
عقب تتقابلون عند المصلح مرة مرتين يحاول يعدل الأمور لو شاف انه ما شيء فائدة يحولج
لواحد مفتي أو قاضي ما اذكر المسمى الوظيفي يكلمكم مرة مرتين لو شاف ما شيء فائدة يعني مصرين وما في طريقة للتفاهم بين الزوجين يرجعونهم للمصلح هناك يقولهم طلباتهم عقب يقول للريال يرمي اليمين طبعا اول مرة تعتبر طلقة أولى

الحرمة ترد البيت بس يطلب منه يأخذها معاه حسب الشرع والسنة عقب ثلاث حيضات لو ما لمسها يعطيها ورثتها ويوثق الطلاق وتستلم ورقتها

أعوذ بالله أعوذ بالله يا أختي علميها تستخير تعقل لا تستعيل ترا الطلاق أوله حلو بس والله صعب صعب تسال المطلقات و بيقولون لها ما يلعب بمخكم الشيطان يطلعون عمرة حج سفرة برع الدولة تتقرب من الله أكثر تدعي ولا تطلب الطلاق

اذا بينهم عيال لا تطلق لان محد بياكلها غيرهم ..

هيييه والله اسأليني تعوذوا من إبليس و حاولوا تحلون مشاكلكم