الجراحه التجميليه

السلام عليكم ورحمة الله وبركاته
انا حامل للمره الخامسه وناويه بعد ما اربي اسوي الجراحه التجميليه

في مستشفى الكورنيش لكن ما ادري متردده لاني قريت عن تجارب

حريم في منتدى غير في السعوديه ويقولون انها تتعب مش مثل الخياطه العاديه

فحابه اذا حد مسونها في الكورنيش او اي مستشفى في بوظبي تخبرنا عن تجربتها وكم تتم على ما يخف الالم لان عندي اطفال ولازم اراكض وراهم

ومشكورات مقدما حبوبات

ما عندي فكره .. ان شاء الله البنات يساعدونج ^^

هلا اختي انا سويتها عند الدكتورة نادية الي كانت في مستشفى دار الشفا

بـ3000 درهم

ولازم ترتاحين اسبوع عشان الخياطه ماتفتح

هي صج اول يوم موووووووووووووت عذاااااااب بعد ما يروح البنج

بسويها لج ساعه على حسب الحاجه

بعدين بتمين عندها في المستشفى ترتاااحين ومتى بغيتي تروحين عاادي ترومين

تترخصين

بعدين بتعطيج مضاد حيوي ومسكن للآلم وغسول ومرهم عشان التأم الجروح

ولازم تتبعين كلام الدكتوره كله

وحاولي ما تيلسين لان اليلسه تفتح الخياطه

وبس صج انها عذاب بس بعدين بترتاحين

واتمنى اني افدتج اختي

مشكوره الغاليه
لكن انا بتسويها لي الدكتوره اللي تتابعني في الكورنيش
شكلي بتوكل وبسويها والله يعيني عالتعب

ما عندي فكره .. ان شاء الله البنات يساعدونج ^^

بنات معقوله محد مسوي هالعمليه في الامارات
لاني ابا اطمن

اختي انا مسوتنه في مستشفى النور (4000)وبصراحه ما فيها عوار بس يبالها راحه وانا خذتلي شهر وعشر ايام لحد ما التائمت تمام ….سويها اختي وتوكلي والله نتائجه مره ok
نسيت اقولج يبالها بنج كامل وبعدين تقعدين نص يوم بالمستشفى وبس واهم شي الراحه والنظافه والله يسرلج امورج