وعدتكم انزل باقي الصور من صور جامعتي اللي هي في هالرابط اذا حبه تشوفين الجزء الأول:
https://forum.uaewomen.net/showthread.php?t=593176
هذي صورة حق باركات المدرسين
هذا طريق يودي للمسجد ومبنى البزنز
مبنى البزنز من بعيد
وانا اتمشى في ربوع حرم الجامعه عيبتني هالشيرة لأن كان فصل الربيع قبل شهر وكانت الأورق
تتساقط ولونها روعه
صورة من برى عند بوابة الجامعه سكنات الطلبة
سكة القطار اللي توديني من كاردف اللي هي عاصمة ويلز الى تريفورست اللي هي منطقة الدراسه
تبعد تقريبا نص ساعه كنت يوميا اسير نص ساعه وارد نص ساعه من والى الجامعه بس كنت ما اتملل
لأني احب اشوف الطبيعه اللي خلقها الله
ما سكنت الا سنه وحده بالقرب من الجامعه بس ما حبيت العيشه في منطقة الجامعه لأنها جدا نائية وتخوف بالليل فااضطريت اسير وارد يوميا
اللي مقابل سكة القطار هي الشقق اللي سكنت فيها وكان اسمها لاند مارك ابارتمنت
هذا منظر من المناظر اللي اشوفها يوميا وانا سايرة الجامعه بالقطار
صورة من بعيد للسكن اللي سكنت فيه وبالقرب من الستي سنتر
الطريق الى الستي سنتر صورتها وانا امشي معاي ربيعاتي وخذنا الكلام وما صورت من داخل الستي سنتر والمجمع اللي هناك كان توه فاتح جون لويس اذا سمعتو فيه كبير مكن من 7 طوابق
نفس الطريق فيه مطاعم ايطاليه وشركات وبنوك
سكة القطار اللي في العاصمة (كاردف) اللي تودي لجميع مناطق بريطانيا
في طريقي الى لندن يوم خلصت من امور الجامعه
صورة القطار يوم رديت لندن محطة البادنقتون اللي بالقرب من اجورد رود وبالقرب من مستشفى ماري لندن وفيها فندق هيلتون اللي سكنت فيه
محطة بادنقتون صورة سريعه لأني كنت مستعيلة
اتمنى يعيبكم التقرير واذا حابين اي استفسار عن اي شي في مناطق بريطانيا لا تترددون لأني زرت مناطق كثيرة هناك وسكوتلاند بعد سرتها اذا ودج تسافرين سفره اقتصاديه مالج الا تسأليني خبركم كنت طالبه وكنت اقتصاديه ف كل شي 
اتريوو صور لندن بنزلها ان شاء الله في القريب
وتقبلو خالص تحياتي
تسلمييييييين عالتقرير … وربي يوفقج
روعه
وبالتوفييق حبووبه
تقبلو اطيب الأمنيات
موفقه يا ربي ^^