الجزء الرابع معانات حمده وسالم

ورفعت راسها بقوه وشموخ ولا حطت عينها بعينه وراحت وسالم نزل راسه وخانقنه العبر ع هذا الدعاء
ما زادت ولا كلمه ع هذا الدعاء
مسكت عيالها وراحت الطياره……………
وطوال الرحله محد شاغل تفكيرها غير سالم ليش ما علق ع دعائها حس بالذنب والا يضحك عليها والا كارهنها والا و …..
مليون فكره وفكره في راسها؟؟؟!!!!
وصلت حمده البلا د لان محد كان عنده علم محد كان في الاستقبال وراحت البيت…
دخلت البيت وبعدين فتحت الباب وركضوا العيال بصوت عالي هاي هاي من الفرحه ودخلت الصاله اول من طاحت عينها عليه ابوها وركضت له بسرعه
وخضنته وبصوت في عبره ……بويه احبك
بويه : فديتج يا الغاليه
وبعد السلام ….
بويه : وين سالم.؟؟؟
حمده :بويه ييت بروحي سالم في لندن ما قدر اي عنده بكره امتحان
بويه :ولو مهما كان .. ؟ شو هالسنع وانا الي امنت عليج شبلاه عنبو…
حمده : وين فطيم …؟
تبا تغير الموضوع..
امي : في المدرسه شوي وبتي
حمده : والله اشتقتلها هالحماره
ههههههههههههههههههاي
ودخلت الحماره او قصدي فطيم
فطيم :حمدوه …فيديتج واالله اشتقتلج وين العيال محمد و حمد.. يلا تعالي الحجره خبريني عاد عن لندن …. وينه الدكتور عزمي اوه قصدي حمدي عاد ضويلي اسم ريليج نسيته هههههههههههههاي من كثر شهادته ما اعرف شو صار اسمه الحين
حمده : جب عاد ما ارضي عليه ولا كلمه لمي ثمج ههههههههههههههههاي
ومرت الايام وحمده ما خبرت حد عن سبب ردتها …..لين تكلم محمد وقال:……
خالو انا احب بوظبي احسن من لندن هني ماما وايد فرحانه هناك كل يوم تصيح…….
فطيم : هذا اكيد سالم عديم القلب ..بو نفس خايسه

فطيم : حمدوه حمدوه وينج … وادورها في البيت وحصلتها في الصاله عند بوها ..
فطيم : حمدوه ليش ما تخبريني عن سوايا سالم فيج
بويه وهو يقاطعها : ليش شو سوابها
فطيم : محمد يقول ان حمده كل يوم تصيح
والكل عينه ع حمده يتريون جوابها
حمده : محمد ياهل لا تاخذين الكلام منه
فطيم : اوكي محمد ياهل صح لكني الحين بتصل بسالم وبساله شو اللي صاير ….
حمده : ماصار شي بس عاد لا تتدخلين….؟
فطيم : لو اصلا ما صار شي ما جاوبتي جي ..!
بويه : فطيم اتصلي بسالم انا برمسه ..
حمده : لا لا الله يخليكم لا تتصلون به
بويه : والقرآن العزيز.. لو ما رمستي لا انتي بنتي ولا اعرفج وبتبرا منج ليوم الدين …
وبحزن والم ودموع حارقه لقلبها قالت حمده كل اللي صار وكيف كان يرمسها واسلوبه وايد تغير …
بعد ما خلصت حمده الكلام عم الصمت مندهشين من سالم مش متوقعين هذا سالم .. ؟؟
بويه شل يده وحطها ع راسه : حسبي الله ونعم الوكيل
ابويه انصدم صدمه حياته اللي قتلته للابد …. بويه مريض بالسكر والضغط
والخبر زاده هم ع همه …………
فطيم : النذل………((بغصه
ونظره حاده من حمده توقفها عند حدها علشان لا تغلط في حق سالم
فطيم : بويه شئ يعورك عيونك وايد حمراء وايد عرقان
وهذا كان من اعراض اتفاع السكر شوي وطاح بويه غشيان
هذيج الطيحه اللي غيرت حياتنا للاسوء
بويه ارتفع عنده السكر فوق 400وسببتله جلطه في المخ اثرت عليه لين اليوم ….
صار مايعرف حد ابد عايش جسد بلا روح…
سمحلي يا بنات ما اقدر اكتب اللي صار بعد ما نقلناه المستشفي
لانه ذكريات سواده …
بعد حوالي شهر ونص طلعوا بويه من المستشفي ورحنا البيت بنفس مكسوره ….
خلاص مالنا سند ولا ريال يوقف عندنا في عز حاجتنا للعون
مالنا الا الله و محمد وحمد الله يخليهم لنا ول أمهم
حالتنا ذاك الوقت في البيت كل حد في حاله محد له نفس يكلم الثاني الغالي في حجرته بالدور نروح نقعد عنده ونطلع وما تغيرت حياتنا لين رن تيلفون البيت…
محمد :آلو …..بويه
طارت عيون حمده مب مصدقه وركضت للتليفون (( من ردت من لندن ابدا ما اتصل بها ……تخيلوا؟؟؟؟؟؟؟؟؟؟؟؟؟؟
حمده : بومحمد …..نحن بخير حمد الله … اممم ……وترمسه
منو دخل الصاله اكيد فطيم
فطيم : محمد امك تكلم منو…؟
محمد بفرحه : بويه..
وركض فطيم للتيلفون وكانها تترياه من زمان يتصل وتشله غصب من ختها
فطيم : مرحبابك يا ويه النحس اللي من دخلت حياتنا ونحن في هم وغم ..سود الله ويهك جتلت بويه والحين بتجتلنا والله والله اذا اتصلت مره ثانيه بيتنا اعتبر نفسك من الاموات ……. وسكرت الخط في ويهه
((طبعا في كلام شوي قوي قالته لسالم بس هذا اللي حمده تباني اكتبه))

حمده :فطموه والله انج مصختيها هذا سالم مب اصغر عيالج و….
وتقاطعها فطيم بصوت عالي : ايه انتي يا التبن اصحي وشوفي حالج وحال عيالج وابوج بالله عليج في ريال تسافر عنه حرمته وما يكلف نفسه يتصل يسال عنها…….
والا هالعيال المساكين ما يدري عنهم ولاهم يدرون عنه والا بويه الا جتلته فعايل سالم صار ميت وهو حي حرمنا من بويه اتيتمنا انا وخواتي وهو حي وامي المسكينه من صدمتها ببويه صارت انسانه ساكته مالها وجود في حياتنا يلا عاد اصحي من هالسالم ….
(((وصارت الامور صعبه بين حمده وفطيم)))
وبعد يومين شرف سالم…
طلعت حمده ع صوت العيال …بويه يا بويه بويه وطاحو في حضن بوهم
وحمده اطالعهم وخانقنها العبره..
سالم بابتسامه حلوه : السلام عليكم يا محمد..
حمده : مرحبا الساع في ذمتيه نورت البلاد بوجودك ..اقرب يا بومحمد
(دخل وهو فرحان لفرحه العيال وامهم)..
وقعدوا في الصاله وتم يسولف عن نفسه وعن دراسته وامتحانات و..كيف كان عايش بروحه محد عنده و….
وحمده حاطه كفها ع خدها وتسمعه وهو يرمس وع ويها ضحكه عريضه ونيست كل همها وغاصت في عيون حبيبها اللي رجعلها …
وما صحصحت الاخت العزيزه الا ع صوت فطيم تصارخ
حمده : يلا يلا قوم سالم بسرعه روح الحجره اكيد تعبان
…وتسحبه
بسرعه من يده قبل لا تشوفه فطيم … والحمد الله دخلته بسرعه وما شافته
خخخخخخخخ وهذا وهي العوده وجي تخاف من فطيم)))
ودخلت الحبيبه عند ريلها ونامت احلي نومه عنده…
اليوم التالي…
فطيم : ستي يا ستي وينج الله ياخذج انتي واللي ضوا البارحه في يوم واحد ….
حطي الريوق في الصاله بسرعه ويه النحس بيقوم يتريق…
الخدامه ستي : فطيم يا فطيم مافي شكر مشان نسكافيه حق بابا سالم ..
فطيم : مب لازم شكر حطيله سم فيران انشاء الله يعدمه هالسم
ستي وهي تضحك : مسكينه انتي فطيم واجد مجنونه و,,,
وتفرها فطيم بالكوب ذلفي عن ويهي ناقصتنج
وطلعت حمده من الغرفه قبل سالم,,,
حمده : صباح الورد والفل يا احلي فطيم
(((من يومين كارهه ختها ومن وصل سالم تغيرت 200درجه
فطيم :ما شاء الله تفوء عليج من عين صايره عروس..
حمده : فطيم طلبتج لا ترديني الله يخليج وراس بويه ..
فطيم : لا تحلفيني براس الغالي ..شو عندج ارمسي بسرعه
حمده : سالم الحين بيطلع الله يخليج خلاص اللي صار صار هو وعدنيي
يتغير للاحسن ..فديتج انا احبه وماباه يزعل ويروح امس ما شفتي العيال كيف فرحانين ببوهم …اتفقنا الغاليه..؟؟
فطيم : هيه صح انسا المعناه كلها والالم وبويه علشان هالسالم
بس والله بسكت مب عشانج علشان محمد و حمد المساكين …
وطلع سالم ودخل الصاله بثقه..
سالم : السلام عليج فطيم …شحالج..؟؟؟!!
فطيم : وعليكم السلام انا بخير حمدالله طبعا بفضلك نحن بخير…
سالم يدارك نفسه : ما شاء الله صايره حرمه عوده الحين عاد يبالج ريل..
فطيم : اكيد بصير حرمه والا عندك شك لا بويه كن العرس بيضويلي ريال مثلك ماباه…؟
حمده : فطوم عيب عليج يلا تاسفيله..!!
سالم : خليها هذا رايها وهذي حريه شخصيه…
فطيم : مالت عليج ….يا حمدوه ريليج طلع متمدن اكثر منج…
((ويشرب سالم النسكافيه,,,
سالم : حمده النسكافيه مر …ليش ما شي شكر..؟

فطيم ترد وبخبث }: اوه نسيت اخبرك ما عندنا شكر فقلت حق ستي حطيله سم فيران …اكيد عادي عندك متعود ع طعمه …
{{وطاح الكوب من يد سالم وحرقه ع ريوله ومحتشرين
{{والاخ صدق قام يتحنحن وحمرن عيونه وفطيم فاطسه من الضحك عليهم
فطيم : لا اشرب .. اشرب نسكافيه هههههههههههههاي
حمده : ستي الله ياخذج ان شاء الله …. والله بقص من معاشج
قوم سالم قوم بدل ثيابك….؟؟؟
{{العصر شل سالم عياله وحمده وداهم السوقورجعوا ودخلو البيت
حمده : فطيم تعالي براويج شو اشتريت ..((وايد فرحانه
فطيم : شي تحت راسه هالريال…!
حمده : ماشي تحت راسه بس هو وايد يحبني ..
فطيم : هيه صح نسيت..
ومرن 3 ايام وحمده بخير وطايره من الفرحه@
لين ما صدمها خبر من سالم<<
سالم : حمده لازم اسافر استراليا..!!
حمده : ونحن ؟؟؟؟؟؟؟؟؟؟؟؟؟؟؟
سالم : اكيد بوديج عندي ..!!
حمده : ما أقدر الظروف اتغيرت ابويه مريض وامي حرمه عوده وخواتي وصغار…
سالم : فطيم .. ام لسان موجوده ..؟؟!!
حمده : بعد فطيم ياهل ..؟؟
سالم : قولي ما تبين تروحين عندي ..
حمده :افا عليك يا نظر عيني اموت اذا افرقك..
سالم : عيل خلاص بكره بنسافر..
في نفس اليوم في الصالهّّّ
فطيم : شبلاج حمده ليش جذي ساكته ..؟؟
حمده : ما شي ..!!
فطيم : لا في شي والله قلبي حاسني شي قالج سالم ..؟؟ ..صح ..!!
حمده :…………………..؟؟!!
فطيم : بسرعه نطقي شو الي في راسه الحين …
حمده :…..أأممم …..بيسافر,,
فطيم : روحه بلا رده درب يسد ما يرد…
حمده ( ساكته ما ردت عليها
فطيم : شو الحين عادي اسبه وادعي عليه…
(((بعد حمده ساكته
((ودخل سالم…
فطيم : ها ع وين العزم ان شا ء الله يا دكتور….؟؟؟
سالم : استراليا..
فطيم : اخاف احسدك لفيت الدنيا لف .. وتعبت حليلك وانته تيمع هالشهادات ..
ما ادري عاد شو بتصير ..
سالم : مب شغلج … وتقولين صغيره ..؟؟
فطيم : سيري وياه وقعدي عنده كم شهر وتعالي عاد فتحيلنا مناحه قالي وقال.. وحسيت .. وصحت .. وتالم و….
سالم : اكرمينا بسكوتج..
فطيم : واذا ما سكت .. شو بتسوي
سالم : اف … شو هالحاله..
فطيم : لا تم تتأفف مثل الديج ..
سالم : لا عاد مصختيها وايد ما با امد يديه ع حرمه
فطيم : وكسر يكسرها جرب وشوف …
سالم : حمده انا بطلع وخلج جاهزه والفجر طيارتنا…
فطيم : روح وجودك وعدمه واحد…

وطلع من البيت وحمده دخلت غرفتها وفطيم راحت غرفتها …
ثاني يوم في الصاله….
فطيم قاعده في الصاله …………………………….ودخلت عليها حمده
حمده :صباح الخير ..
فطيم : صباح النور والسرور….انتو ما سافرتوا؟؟؟؟
حمده و تحضن ختها وتصيح …
حمده : كيف اسافر وختيه زعلانه …سالم راح وانا ما اصبر عنه …وانتو هليه وانا احبكم وادري انه مستحيل تتخلون عني او تجرحوني او تزعلوني …
فطيم : وهو عادي سكت واقتنع وراح…؟؟
حمده بحزن : لا ….بس يوم فكرت بالوضوع ان سالم انسان طموح وعنده احلام ويبا وحده بس تتبعه من دوله لثانيه وتتغير ع مزاجه او بالاحري ع مزاج البلد اللي بيسافر لها انا لندن للحين كارهتنها وين استراليا…
فطيم : وشو قال …؟؟؟
حمده : ………………………………………
بعد صمت طويل ,,,,
حمده : اتفقنا ع الطلاق ..؟؟
فطيم :لا ليش..؟؟!!
حمده : ليش منصدمه توقعت يعجبك القرار..
فطيم : حرام عليج صح انا ملسونه وما احب سالم بس العيال شو ذنبهم …
حمده : خلاص هذا قدر ومكتوب..؟
فطيم : لا يا حمده من قال قدر انتي تقدرين تغيرينه …..
حمده : كلام مدارس…؟؟!!
ومرت الايام وحمده في حزن شديد والم وكره للحياه بدون سالم وتغير
للاسوء زاد وزنها بشكل كبير لدرجه انها ما تقدر تقعد ع الارض لازم
كرسي و اهملت نفسها من لبس وغير صار طموحها في الحياه الاكل وبس….؟
بعد سته شهور من رحيل سالم…..
فطيم : حرام عليج يا حمده اهملتي نفسج وعيالج وبيتج شو حل بج …؟؟
حمده وهي تاكل رطب : ماشي …؟؟
((محمدوحمد يتراكضون بويه يا وستي تربع بابا سالم يجي والله يجي
نقزت حمده قو ما تقدر : يا ويلي يا سالم وما عندي خبر يا ربي شو اسوي انا مقرفه انا دبه دسوني بسرعه …..
سالم : السلام علي)ما كمل السلام انصدم لما شاف حمده …
وحمده ومنخشه وراء فطيم مسكينه تحاول تخش ((المؤخره العوده
:وعليكم السلام ….بومحمد اقرب …يا حياك
قرب سالم وقعد ومن هول الصدمه ساكت ما تكلم
فطيم : شحالك دكتور …؟
سالم وعينه ع حمده : بخير .. بخير ..حمدوه شبلاج جذي انتفختي صرتي دبه و…
فطيم تكلمت بسرعه لا يقول كلمه يجرح شعورها : هذي الموضه دارجه
عندنا في الامارات هالسنه ليش شو الموضه عندكم في استراليا…؟؟؟
سالم : استراليا …..هه شو تعرفين عن استراليا…
فطيم :والله وما اعرف شي علمني … ها .. شكلك ودرتها شغله الدكتور واشتغلت معلم ….. اوه زين والله عندنا معلم في العايله…هههههههههههههاي
سالم : حمده اباج في الحجره…..
فطيم : هيه ما تروملي سير استقوى ع حرمتك…هههههههههههههههههاي
وقت العشاء….
فطيم : ها حمده الاستاذ وين قوليله العشاء…
حمده : راح ومب راد…
فطيم : ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حمده:……………………(((وانفجرت المسكينه اتصيح
حمده : قالي انصدم مني وماتوقع اني جذي اتغيرت ..دبه واسد النفس
وماله نفس يطالعني..
ومش مستحب العشره عندي واني غبيه بهيمه مب من مستواه يستحي
مني ويستعر مني واني ما اناسب البيئه ااالاجتماعيه اللي هو عايشنها
و……(انفجرت في الصياح
فطيم : صدقه ..
رفعت حمده راسها مب مصدقه كلام فطيم
حمده :حتي انتي ضدي ..,قال انه ما بيطلقني علشان محمد و حمد بس بيهجرني ومب رادلي وبيعرس عليا و….
فطيم : روحه بلا رده ان شاء الله .. وانا يوم قولج انه صادق ما فهمتي قصدي …؟؟
يا حمده سالم من النوع اللي يحب الحرمه المتعلمه .. الانيقه ..الجذابه ..
القويه اللي ترد في ويهه , وتجرحه , وتسكته , اللي تحتقره , وانتي عاد
محد اطيب منج والريال هالزمن ما يملا عينه الا التراب والتراب الوسخ…
سمعي شوري وطيعيني والله مابتندمين اول شي..:
1لازم نحسن مستواج العقلي يعني لازم تكملين دراسه
2 لازم تنحتينه هالجسم وتعدلينه
3 يبالج سمكره تجميليه
4 دوره في الاتيكيت والدلع واسلوب الكلام
شو رايج ……؟
حمده : بعد ما شاب ودوه الكتاب…؟
فطيم : فعلا محتاجه هالدورات ….باجر بروح اسجلج مسائي انتي اي صف كنتي واصله …هيه صح سادس..؟
وبدت جميع مسيرات حمده للحياه سنه 1994
وفي سنه 2024 تخرجت هي ومحمد ولدها من الثانويه العامه
محمدبنسبه88%
وحمده69%
خلال هالتسع سنوات اللي مرن سالم عرس وقطع علاقته بحمده
..وكان اتصاله ع فترات طويله يكلم بس العيال ويسكر ما يكلف
نفسه يسأل عن حمده حتي كيف حالها ؟؟!!
وبدا التسجيل …حمده في التقنيه العليا ومحمد في الكليه العسكريه ((الشرطه
فطيم :محمد .. ليش اخترت كليه الشرطه؟؟
محمد : والله يا خالتيا قالولي مجرم يحوط في الدوله ونفسي امسكه واعقده حبس….
حمده : يا الله احفظنا مجرم في الدوله ومحد مسكه؟؟
فطيم : ما تعرف شو جنسيته والا اسمه ولا شي عنه؟؟
محمد : هيه للاسف مواطن لا ياسي بعد واسمه سالم..
حمده : هذا مب بوك؟؟؟
محمد : انا بويه محمد محد غيره هو اللي رباني وصرف عليا ووحضني في يوم كنت محتاي حضن سالم..
حمده : عيب يا ولد قول بويه مهما كان هذا بوك..
محمد : هيه صح بويه نسيت ,, ما شفتي الشباب يوم التخريج من يستلم
شهاده التقدير وينزل من المسرح راح لبوه وباسه ع راسه وانا الوحيد
اللي صاير مثل اليتيم لا اتصل ولا كلف نفسه يباركلي ولا يسالني اي
كليه بتدخل والاخاطرك في شو هديه…..؟!!

فطيم : هذا سالم انته يعني ماتعرفه وبعدين شو تبا به الله عطاك ام حنونه ماتتعوض
وخالات مثل العسل وهاذي النعم كوم ولسان خالتك العسل كوم آخره
ههههههههههههههههههههههههههههههاي
ثاني يوم في الصاله
فطيم : محمد يا محمد ستي زقري محمد..
محمد: نعم خالتيا..
فطيم : سامحني يا الغالي اذا غلط عليك يوم من الايام وتفضل هذي هديه لو صغيره
بس زينه بتنفعك..
محمد : مشكوره ع الاقل حد ذكرني….؟!
وهو يبطل الجلاد..
حمده: عاد فطيم تهدي اكي د قلم….
فتح محمد العلبه وشهق شققه قويه….
حمده : شبلاك فطوم شو حاطه في القوطي لولدي عنب هالويه لج شو سويتي بالولد..
محمد : امي الحقي سويج سياره ومب اي سياره ببووورش …
فطيم : الله يسامحج انا بعد ناجحه ابا هديه..
محمد ويبوس خالته ويتفداها ويلوي عليها…