الجنين عندي عنده مشاكل بالقلب

السلام عليكم ورحمة الله وبركاته
كروشات
انا وايد تعبانه من الام الحمل وخصوصا الحين انا في التاسع
ورحت المفرق عشان أشوف الرحم لان مره قلت لكم نزل مني قطرات دم
الدكتوره سوت لي صورة قالت لي الجنين عنده مشاكل بالقلب
وحولتني الكورنيش وقالوا نفس الكلام
ورجعوني المفرق يقولون أحسن لي الولاده هناك لان كل شي عندهم
انا بالشهر السادس سويت صوره للأعضاء في مستشفى دار الشفاء ماكان في شي وقالت لي كل شي سليم
الحين ما اعرف من صار معاها نفس اللي صار لي وطلع غلط كلامهم ؟
مو مصدقتهم من اول ما قالولي وانا أصيح
لأنهم قالوا بعد الولادة بيشوفون عليه اربع وعشرين ساعه اذا قدر يتنفس ويعيش بيسوول له عمليه
محتاجة لدعواتكم

ماعندي فكره دخلت ادعيلج وللجنين انه الله يقر عينج بالطفل السليم يارب

ان شاء الله يطلع كلامهم غلط والله يحفظه لج يا رب وتشوفينه بصحه وسلااااااااامه

ان شالله يارب يكون معافى وسليم
كثير اطفال ينولدو عندهم مشاكل بالقلب يعملولهم عمليه ويسيرو طبيعين
لا تتعبي نفسيتك ادعي ربك يكتبلك الخير الك وللجنين
وان شالله تقومي بالسلامه انت وهو

في الكورنيش حولوج عل الاجنه يعني صوروه في الاجنه ولا بس صوره عاديه ؟
ان شاءالله مافيه الا العافيه يارب العالمين توكلي عل الله بس لازم تتأكدين عشان تعرفين شو الخطوه اليايه بعد الولاده وربج كريم ان شاءالله

سلامته ان شاء الله وان شاء الله كلامهم غلط..هم لو يعرفون جان قالولج من الشهر الرابع…ليش صاكتين لين احين؟؟؟
سيري عيادة تثقين فيها وسوي ايكو على قلبه وطمنينا…
هم شو قالوا بالضبط فيه؟؟؟؟
ان شاء الله فهاي الساعة المبروكة من يوم الجمعة انه ينولد بخير وسهالة ومافيه شر قلبه يارب

اختي توكلي على الله .. وكثري استغفااار وصدقات هالفترة … موبدوم تصدق هالصور .. ولووو صدقت خلي ايماانج بربج كبير وتحمديه .. والحمدلله على كل حاال ولج اللاجر ان شالله ..

وعقب ماردوج المفرق .. المفرق ماقرروا لج الولاده بالقيصري ..