السلام عليكم ورحمة الله وبركاته
اشحالكم خواتي
انا ان شاء الله تاريخ 207 مسافرة بانكوك وناويين انسير شنغماي
ان شاء الله بس كيف احجز وين ارخص من النت والا من مكاتبهم اللي فبانكوك
وكيف اذا بحجز من النت ..؟؟؟ ما اعرف؟؟
شو احلى شنغماي والا بوكيت؟؟؟
واذا في جزر ثانية احلى خبروني ؟؟
تسلموووون
السنه اللي طافت حجزنه وسرنا بانكوك وشنغماي..
بس كله من الامارات يعني الحجز كان دبي بانكوك شنغماي..
ومكتب السفريات هو اللي رتب لنا كل شي..
وشنغماي واااااااااايد طبيعتها حلوة.. وبحاول انزلج بعض الصور
السعر عن طريق المكتب أفصل من الححز من تايلاند
والله ما عندي فكر عن شنغماي بس انا رحت لبوكيت حلوة واايد
واذا تبين رايي احجزي كل شي من اهني احسن لج وارتب عسب يوم تسيرين اهناك ما عليكم الا تجهزين وتطلعين والا تضيعين وقتج اهناك فالحجوزات وغيره وانتي فغربه وما تعرفين !!
اهني اضمن لج وحتى فالمكاتب بيخبرونج عن الرحلات وبيرتبون لج وانتي مرتاحه
يعني نحن يوم سرنا حجزنا كل شي من اهني الموصلات والفندق والرحلات ونحن مرتاحين ومن وصلنا والا الدريول جاهز ويتريانا عسب يوصلنا الفندق واليوم الثاني اذا عدنا رحله والا شي ترى حتى يذكرونج عسب تجهزين فالوقت المحدد وتيينا السيارة فالوقت ونطلع
واذا تبين رايي احجزي كل شي من اهني احسن لج وارتب عسب يوم تسيرين اهناك ما عليكم الا تجهزين وتطلعين والا تضيعين وقتج اهناك فالحجوزات وغيره وانتي فغربه وما تعرفين !!
اهني اضمن لج وحتى فالمكاتب بيخبرونج عن الرحلات وبيرتبون لج وانتي مرتاحه
يعني نحن يوم سرنا حجزنا كل شي من اهني الموصلات والفندق والرحلات ونحن مرتاحين ومن وصلنا والا الدريول جاهز ويتريانا عسب يوصلنا الفندق واليوم الثاني اذا عدنا رحله والا شي ترى حتى يذكرونج عسب تجهزين فالوقت المحدد وتيينا السيارة فالوقت ونطلع
باختصاار اتعبي و دوري واحجزي اهني اونتي فالبلاد ولا تتبهذلون وانتو فغربه
وان شاء الله البنات بيفيدونج اكثر
الغالية بوكيت احلى من شنغماي لانها جزيرة وفيها سنتر صغير وكارفور اللي راحوا بوكيت من اللي اعرفم عيبتم بوكيت اكثر من شنغماي والافضل انج تحجزين من البلاد وتسافرين وانتي مرتاحة .
السموحه يالغلا
تسلمون خواتي
بس انا ما حجزت الفندق عن طريق المكتب
اللي حجزلنا الفندق واحد من اهل ابوية ودفعنا نص المبلغ ..والنذاكر عدنا فالبيت من الامارات لبانكوك ووالعكس
كيف اقدر احجز من اهنا يستوي؟؟؟؟