الحمدلله الذي هداني بعد الضلال
انا كنت انسانه تايهه في طريق مظلم
ولكن امس حسيت اني انولدت من جديد
كنت افعل اعمال استحقر نفسي عند
تذكرها ولكن الشيطان يزينها بعيني
ويجملها لي ولكن ربي يمهل ولا يهمل
امهلني فلم اعتبر ولكن انفضحت فالاخير
ورغم هذا كله اقول الحمدلله الحمدلله
ف الضربه الي ماتكسرك تقويك
ف هاذي الضربه قوتني صله وتوبه
الى الله .
ولكن خواتي اخاف الشيطان يرجعني
الى نفس الطريق
لأن دائما اتوب وأرجع عقب فتره
ولكن هالمره توبه نصوح بأذن الله
ابا نصايحكم كيف اتغلب على الشيطان
ووسواسه !
ولاتنسوني من دعاكم بزوج صالح
يكن قرة عيني وقلبي !
يامثبت القلوب والابصار ثبت قلبي على طاعتك ودينك
وان شاء الله ربي يثبتج و يرزقج بالزوج الصاالح ويستر علينا وعليج دنيا واخره يارب
دمتي بود .
حاولي انج تتقربين من ربج اكثر بالاستغفار وقيام الليل وذكر الله
ألف مبرووووك على الهداية،، وعسى الله يثبتج ويثبتنا على طريج الإيمان والهداية
لازم تكونين قوية،، وتقرين عن نعيم الجنة وعذاب النار،،
وتذكري إن الله سبحانه يُمهِل ولا يُهمِل.،، ومن رحمة لنا يعطينا فرصة وفرصتين وثلاث
فإنتي من الناس المحظوظين لإن عندج مجال للتوبة
ولا تنسي مع كل سجدة إدعي الله "اللهم لا تزغ قلوبنا بعد أن هديتنا"
وتذكري دايماً،، هل عندج استعداد تستقبلي "الموت" وإنتي على هالمعصية؟؟
الله يوفقج ويوفقنا لما يحب ويرضى
واستغفر الله العظيم وأتوب إليه*
والدعاء الدعاء اختي .. ادعي وقومي الليل وأسألي الله اللي تبينه ..
الله يرزقج كل ماهو خير لج في الدنيا والآخرة وجميع المسلمين ..
كان رسول الله صلى الله عليه وسلم يكثر أن يقول يا مقلب القلوب ثبت قلبي على دينك ، فقلت : يا رسول الله آمنا بك وبما جئت به ، فهل تخاف علينا ؟ قال : نعم إن القلوب بين إصبعين من أصابع الله يقلبها كيف شاء
الراوي: أنس بن مالك المحدث: الألباني – المصدر: صحيح الترمذي – الصفحة أو الرقم: 2140
خلاصة حكم المحدث: صحيح
غاليتي ^^
( رغم الرسالـة الغريبـة الي وصلتني منج ,, ويمكن سببها اني ما رديت فهذا الموضوع بس الله الشاهد اني أول مرة أشوفه )
بس رجوعا لصميم الموضوع
أختي رب العالمين كريم قريب يجيب دعوة الداعي إذا دعاه
كتفي الدعاء بالثبات لنفسج والمسلمين عسب الملك يقولج ولج بالمثل ^^
ثاني شي أختي ضروري ولازم تسوين صحبـة صالحـة من حولج 
شوفي بنات من فريجكم أو أهلكم يخافون الله ورابعيهم
لإن الصاحب ساحب
وهم بيشجعونج على الطاعات
وثاني شي كل انسان منا خلقه رب العالمين بطاقات هائلـة لازم تتفرغ
طبعا رب العالمين رزقنا ياها عسب نسعد ونستانس في الحياة والآخرة ^^
لكن بعض الناس تستغل طاقتها غلط وتستوي لا دنيا ولا آخرة زينــة لا سمح الله !
فشوفي شو الهوايات الي تعشقينها والأعمال الي تحبينها
وسويها ونوعي من نشاطاتج ولا تخلين لنفسج ربع ساعـة فاضية
وطبعا خصصي وقت للطاقـة الروحانية تذكرين فيه الله وتزيدين رصيد حسناتج
حطي بوسترات في غرفج إذا شردتي تذكرج في الله
حطي كتيب أذكار في شنطت تقرين منه اذا قعدتي في مكان عسب ما تشغلج الأفكار
خذي امبيتري حطي فيه محاضرات حلوة سواء دينية أو علمية
أهم شي ,, تكون مفيدة ولأشخاص انتي تحبين اسلوبهم في الإلقاء
نزلي برنامج الأذكار الي كل 5 دقايق تقريبا يطلع لج على شاشة اللاب دعاء أو حكمة أو حديث شي مفيد ^^
وغيري خلفية الكمبيوتر لشي مبهج ^^
وآخر شي أختي أحسني الظن في الله واعلمي ان الدنيا اختبارات
وكل ما نجحتي نلتي أختي
اثبتي والله صدقيني ما بيضيعج
والسموحــــــة ^^