بناات انا الحمدلله امرأه جميله واجتماعيه ومحبوبه لدى الناس
لاكن وضعي العائلي كثيييير مأثر على نفسيتي
انا تزوجت زوجي وانا اعرف ان عنده مشكله في الخلفه بس قلت الطب تطور واكيد بنشوف حل للموضوع بحكم اني كنت مطلقه وابا اتزوج بسرعه عشان مكانتي الاجتماعيه
كملت 3 سنوات زواج والى الان مارحنا ولا دكتور لان الحبيب يمااطل ولاهامه وعاادي عنده وانا ماافاتحه كثير ب الموضوع مراعاة لمشاعره
بس هو عنده الحيوانات المنويه 0 عشان جي مايحب يروح الدكاتره لانهم يحبطونه ماالومه بس ها الشي مو عيب مرض واكيد له علاج واذا حاولنا انابيب او غيره ان شاء الله يظبط معانا .. المهم ها الشي بلعته وساكته وقلت بستمر في الدعاء وان شاء الله ربي مابيخب رحائي وبيرزقني ..
المشكله الثانيه هي وضعه الماادي زوحي مغرق ف الديون يابنات عليه دين للبنك اكثر من مليونين درهم ماخلا ديوان ولا مكان الا قدم فيه ولا في فايده
تخيلو اللي يبقى من راتبه 5 الاف تقريبا ماتكمل لنص الشهر
الحمدلله ان السكن ع الدوام ولا وين بنروح
بس يابنات انا انا وين حقوقي خااطري اسافر اطلع اتمشى اروح فنادق اشتري ملابس ذهب عطور ادلع نفسي اييب هدايا لاهلي وللمعارف اتصدق المهم ماابى اعيش في ظييق مادي يمكن ان انسى اموضوع الحمل
انا بعدني صغيره وخااطري استمتع في حياتي ع الاقل ب المال لو ربي ماكتب لنا نخلف بس ان شاء الله بنخلف بنخلف
المهم ابا شي ينسيني تعبببت من ها الوضع للعلم انا ماكنت اعرف انه مديون قبل مااخذه واعتقد حتى لو كنت اعرف بوافق اهم شي اعرس
ادعو لي يابنات عطوني حلول ارقام شيوخ ديوان ااي حد تعرفونه بنقدم اوراق المديونيه يمكن ربي يفرجها ويفرحنا ويوسع علينا
انتن شو رايكن في وضعي كيف اتصرف حاولت اكون تاجره منزليه ماتوفقت
ةاصلا ماعندي راس مال ابدا فيه
الريال هاذا مااعرف كيف ابين له اني خلاص اختنقت من ها الوضع ولازم يشوف حل اصلا هو غير البنم مغرق ديون لوايد ناس لان كل نهاية شهر يتسلف من فلان وعلان
بنات اللي تقدر تساعدني بفكره ابدا فيها تجاره منزليه او مكان نودي لهم اوراق المديونيه او اي حل بكون شاكره لها
الحمدلله الامارات بلد خير ونعمه وافضالهم تعم القاصي والداني ونحن اهل البلاد اولى طبعا بس شو نسوي يحليلنا لا واسطه ولا شي بس الله كريم والف الف حمد وشكر لك ياربي على كل حال
وبعد ماتسوين راس مال ابدي بروحج
و دوري دوام قدمي اوراقج كل مكان.
و اكيد استغفري الاف المرات كل يوم.
انا ما بقول ان مشكلتك مب كبيرة
اكيد كل وحدة تتمنى يكون عندها عيال
بس هالجمله : وين حقوقي خااطري اسافر اطلع اتمشى اروح فنادق اشتري ملابس ذهب عطور ادلع نفسي اييب هدايا لاهلي وللمعارف اتصدق المهم ماابى اعيش في ظييق مادي يمكن ان انسى اموضوع الحمل
انا بعدني صغيره وخااطري استمتع في حياتي ع الاقل ب المال لو ربي ماكتب لنا نخلف بس ان شاء الله بنخلف بنخلف
مادري شو اقولج
الحياة ما انخلقنا فيها عشان نرتاح ونطلع ونتمشى ونسافر .. اوك اللي يقدر يسافر .. بس اللي ما يقدر .. لا يخلي هالشي هدفه وانه هو سعادته
سعادتنا هي بالقرب من رب العالمين ورضاه عنا
وحاولي تجربي العلاجات النبوية .. من حجامة وحبة سودا وعسل ,, وان شاء الله ربنا يفرج همك
ربي يعينج ..بس اللي ماتعرفونه ان الدين هم هم كبييييير على القعل والقلب والجسد والرسول صلى الله عليه وسلم استعاذ منه
وشي ثاني انا يالسه افض فض واطلع اللي فخاطري عشان ماانفجر واقول عل وعسى حد منكن ربي يفرج همي على ايدها بكلمه بنصيحه بدعوه صادقه بمكان تدلني عليه
الحمدلله احسن من غيرنا بواايد وربي منعم علينا ب الامان ةالعافيه وهاذي نعم كبيره بس اكبر هم مواجهته في حياتي هو الدين اما الخلفه فهاذي بيد رب العالمين وهو قادر على كل شي وحتى قضاء دينا بيده ويممن يسخره على ايد حد ممن عباده الصالحين والحمدلله اولا وااخرا وعلى كل حال