الحموضة ذبحتني!!

السلام عليكم ورحمة الله وبركاته

بنات دخيلكم ساعدوني..والله مب عارفة لا أرقد ولا أكل..طول الوقت حموضة

شربت جافسكون مافي فايدة..شربت حليب فرش مافي فايدة..كلت خيارة مافي فايدة

خليت معدتي فاضية من غير أكل بعد مافي فايدة..

ما اعرف شاسوي والله طول الليل ما أرقد بسبة هالحموضة

الله يكون بعونج ويسهل علييج انا بعد اعاااني منهاا ماحب هالشراب طعمه مب شي ولا احب الحليب الباارد بس اكل مووز يخف عني شوي ان شاء الله البنات يفيدوناا

جلابي حلاوة الزنجبيل انا نفعتني وايد للغثيان اما الحموضه يمكن التفاح ينفع

كل اللي ذكرتيهم , بس اللي اعرفهم للحموضه
و غريبه ما فادج , ان شاءالله البنات يفيدونكم ..

عن تجربه كنت اكل خيار وياروب خيار يكون مقشر خخخ
و مارقد عادي لازم ارقد وانا نص يالسه وايد يريح جي حطي كم مخده تحت راسج و ظهرج
حاولي تخففين من الزيوت والله يوفقج ويسهل عليج يارب

حليب وخيار الله يعينج فتره وتعدي

انا اول 3 شهور من الحمل كانوا تعذييييييييييب
حمووووووضه ذبحتني وكنت نفسج ماروم ارقد منها

ودومني ا كل خيار واشرب حليب لو فاتتت لنه كامل الدسم يزيد الحموضه مادري ليش

جربي دوا اسمه مالوكس انا ككتبتلي ياه الدكتوره وكان يخفف شوي لين مارقد بس خخخ
والجافسكون نفس الشي مفعوله يتم ساعه بس وترد الحموضه مره ثانيه .. بس المالوكس كان بالنسبه لي احلى لنه حبوب ..

كلمي دكتورتج وشوفي شو بتقولج ..
والله يسهل عليج الغلا