الخلطة الصابونية

مرحبااا بناات شحالكن ؟؟

انا سويت الخلطة الصابونيه وحبيت اعرف اذا جي يستوي لونهااا ولا ؟؟

لا تستغربوون من شكل العلبة لان يوم حطيت الخلطة كانت حارة ف استوت العلبة جي

عن نفسي ما جربت الخلطة الصابونية ، بس قريت عنها كثير ، لذلك ماقدر احكم على اللون

لكن

اختي غلطانة بان تحطين شي حار في علبة بلاستيك ، لو كنت مكانج اتخلص من الحالية واسوي لي وحدة ثانية يديده ، واحطها في علبة زجاجية ( او بلاستيكية بشرط ما تكون الخلطة حارة )

خلاص عيل بسوي غيرها وبخليهاا تبرد بس ابا اعرف اذا جي يستوي لونهاا

ههههههههههههههههههههه شكل العلبه يضحك ما يصير تحطينهاااا وهي حاره اتريي عليهااا شوي تبرد

الصراحه تطلع الوان واشكال انا كانت اغمج يعني على البني

هي حبوبه جي يستوي لونها ياخذ لون الكركم

بالتوفيج

فديتج اكتبي شو حطيتي فيهااااا

ههههههههههههههههه
صابونه الكركم / صابونه الخلطة السحريه / صابونه البابايا وبشرتتهم وحطيتهم ف صحن
بعدين يبت جدر صغير وحطيت فيه ماي ورد وكركم الجسم وملح لين ما تسخنوا
عقب ضفت الصابون المبشور وخليه شوي وبتظهر الفرقعه >> لووول ماعرف شو يسموونهااا
عقب ضفت نشا وخلطتهم بس اتريي لين ما تبرد وحطيهاا ف العلبة وبث