حبيت افظفظ بعد ماجفت خواتي مشتركات بهالمنتدى حبيت اشاركم مشكلتي وطبعا للملاحظه ( ترى كلنا نحدر من هالنك نيم )
احيان لما اقعد بروحي اتذكر ايام قبل يوم كنت بعمر 17 و18 سنه كان الخطاب ايوني وكان ابوي يرفض لني ياهل وبنظره بعدني ما اتحمل مسؤوليه
المهم انخطبت على عمر 19 سنه وملجت وبعدها ب4 شهور تطلقت
بعد طلاقي خواتي ماياني ولا وااااحد من عيال بلادي بالعكس كل واحد يجيني منهم ويعرف بطلاقي ينفر مني
حتى الحريم كل وحده تنعجب فيني تبعد عني لني مطلقه
انا الحين داخله على 28 سنه ولا واحد ياني وخلاص بنات اخواني كبرو واخواتي كبرو وصارن على ويه زواج
والله يوم اشوف وحده منهم يتقدم لها واحد قلبي يعتصر على حالي
اظحك بوجهم وهم يحسون فيني ومرات يخشون عني عشان ما اعرف
بس اقولهم عادي ونصيب وانا من داخلي احترق
احترق لني مظلومه تزوجت انسان او بالاصح حيوان مفترس كل كان همه ان ياخذ اللي يباه مني حتى بالملجه
ولما منعته وحافظت على نفسي بان على حقيقته وقال بطلقها تعصي اوامري
وهو اصلا مو من حقه يطلب هالشي مني بالملجه
تطلقت يا خواتي لني اريد احافظ على نفسي وعلى عفتي لين مااعرس
تطلقت ظلم
والناس كلها جابت الغلط ع عليه واتهموني بشرفي وبعفتي
كلهم ابتعدو عني يا خواتي حتى الاعراس لما اراحوها يطالعوني بنظرات شفقه اني كبرت ومحد يبغاني
ما طعن قلبي الا يوم دارت السنين وشفت اخواتي اللي اصغر عني وبنات اخوي على وجه زواج
انا والله احبهم واموت فيهم واعشقهم واتمنى لهم الخير من كل قلبي وادري انه نصيب
بس ظاق خلقي على حالي
ظاق خلقي على نظرات التشمت اللي اشوفها بعيون الناس
ظاق خلقي على نظرات الشفقه ان كيف خواتها اللي اصصغر عنها يعرسون وهي لا
ظاق خلقي على نظرات التكبر والغرور والتعالي عليه لن انا ماعرست ووهم عيالهم بيعرسون قبلي
يا خواتي
اترجاكم انكم ماتلوموني على كلامي لني متاكده واحلف بالله ان اي وحده منكم تحط نفسها مكاني راح تشعر باللي احس به واكثر بعد
دموعي صارت صديقتي وغرفتي صارت المخبأ الوحيد اللي اهرب منه من واقعي
مرات احبس نفسي يوم كامل اتذكر طليقي القذر واتذكر حركاته القذره يجي بداخلي شعور اكره به كل رجال على وجه الارض
ولما اشوف عيال اخواين الصغار وبذات لما يربون حريم اخواني اشتاااااااااق اشتاااااااق اشتااااااااق
اني اصير ام واكون ام
ادري انكم بتقولون لي بعدج صغيره
انا صصغيره بنظركم بس بالمجتمع انا مب صغيره لدرجة انهم اطلقو عليه لقب عانس فوق المطلقه
بتقولون لي انتي مب مطلقه منفصله
بقولكم هذا كلامكم انتم لي بس المجتمع ينظر لي باني مطلقه مثلي مثل اللي دخل عليها وعرست
انا اتكلم من واقع اعيشه مب من خرافات
حبيت افظفظ
وحبيت اقول ارجوووكم ارجووووكم ياناس يا مجتمع نقص فيه العقل
ارحمونا ارحمونا من الكلام وارحمونا من الاتهامات بالشرف مب اي وحده مطلقه تكون وصخه والغلط فيها
ومب اي وحده ماعرست خلاص تتسكر بوجها ابواب الرحمه
ارحمونا ارجوووووووكم ارحمووونا
واحب اقول للذئاب المفترسه
الله يبعد شركم عنا يارب ودام فيكم رجال مب رجاااال لا تتعبون بنات الناس وياكم
دام فيكم رجاااال قمه في القذاره وقمه في الشده والعنف والافتراس اترجاكم لا تظلمون بنات الناس معاكم
وانهي كلامي بقول
حسبي الله ونعم الوكيل
نحن كلنا هنيه خواتج …
وحاسين بحرقة قلبج …
وصوتج التعبان …
وضيقة صدرج …
.
.
لكــــــن
شفتي الي ذكرتيهم بموضوعج …
اخوانج …خواتج …عيال اخوانج …بنات العايله الي تزوجن قبلج …
شفتي الي ذكرتيهم كلهــــــــــــــــــــــــــــــــــــــم …
وشفتي الناس الي ظلموك ….وشفتي طليقج …..
وشفتي نظرات الناس وكلامهم ….
ولا شي جدام رحمـــة الله بعبده …
الله سبحانه رحيم كريم …رؤؤف …حنون …عطوووف …
اباج تلجأين لربج …ترى محد يعلم بالي فيج غيره ….
استغلي هل الايـــــــــــــــام …
ورددي دايما …
ربي ابدل همي وحزني فرح وسعادة ….
وخلي ثقتك بالله ..وايد اعرف بنات مطلقاات وتزوجن …
واراامل 40 سنه ما تزوجو وتزوجن …
الله رحيم …
الله كريم …
عورتي قلبي والله صدق المجتمع مايرررحم
ليش جيي ليش تفكررييهم غلط وتفكريهم سلبي
انتي مول مالج ذنب
يعني اللي يبا يحافظ على نفسسه يسسون فيه جي
والله يسسامحه اللي مايخاف ربه
يتحرا الدنيا لعبه وانه بالملجه يسوي اللي يبآه
الله يكون في عوونج
مالج غير الصصبر وانتي بعدج صصغيره ولا عليج من الناس
عييشي حياتج سيري وطلعي واضحكي ولا تفكرييين ب هالموضوع
لانج بعدج صغيره
فكري في غيرج فكري انه في حريم أكبر عنج وليين الحين ماياهم نصيبهم
صدقيني بتهون مصيبتج
وكل ماحسيتي بضيق من سالفه هالموضوع اسستغفري وربي بيهون علييج ان شاء الله
ورربي ان شاء الله بيرزقج بالزوج الصالح اللي بتعيشين ف هناء ان شااااء الله
صدق اتمنى من المجتمع انه يغير طريقه تفكيييره ولا يظلمون من دون السبب
ترا الريال هب ملاك عشآن ماينعاب عليييه
يعني من تطلق الحرمه عقوو البلا علييها
حراام والله حرام يظلمون الناس =(
عورتي قلبي
وربي يرزقج بالزوج الصالح ويرزقنا جميعا بالازواج الصالحين عاجلا غير آجل
استغفري ربج حبيبتي واشغلي وقتج بذكر رحمه ربج عليج ..وان شاء الله ماتمر هاي السنه الا ونحن مالجات ان شاء الله..تفاءلي بالخير حبيبتي
استغفر الله الذي لا اله الا هو الحي القيوم واتوب اليه
حبيبتي اعرفي ان الزواج قسمة و نصيب و ان الارزاق مقسمة بالتساوي لكل البشر يعني انا و انتي و اختي واختج و كل الناس نفس الشي لو انتي عندج المال و الصحة و العلم بس ما عندج زوج و عيال هي يمكن عندها زوج و عيال و مال و صحة بس ما عندها شهادة و علم كل الارزاق بالتساوي
و بعدين ما تعرفين ربج باجر شو كاتب لج انصحج بكتاب لا تحزن و اقريه و اتمي ادعي لاي وحده بالزواج لان الملائكة ترد تقول و لج بالمثل الله يوفقج يا قلبي
ان شاء الله كلها فترة قصيرة وتنزلين موضوع ثاني تقولين فيه انج انخطبتي
وبعدها ادخلين وين تجهزات العرايس ولا ندري ولا نعلم الا رايحه صوب قسم الامهات
وهذه الدنيا احيانا تضيق لين لاخر ويقول الانسان انه ماله حل
وفجأة تنفتح كل لابواب المغلقة
بس عليج بالدعاء الى الله وخصوصا في هذه الايام الطيبة