الدنيا مافيها خير الله يصبرني

هلا خواتي
كل عام وانتم بخير
أنا اليوم كاتبه الموضوع لاني محتاجه ارمس خايفه انفجر من الضيقه أولا انا بعدني صغيره والدنيا يدامي . انا عمري 21 سنه وكل ربيعاتي متزوجات والله اني مستانستلهم و اتمنالهم كل خير والله يوفقهم مع رياييلهم يارب ويكتبلهم الذريه الصالحه بس ابي اعرف ليش كل وحده تتزوج تنجلب على ربيعاتها اول وحده انجلبت سكت واللي بعدها واللي بعدها وسكت بس يوم أعز ربيعاتي واعتبرها اختي تتزوج وتنجلب علي هذا مااقرت استحمله ليش اللي مب متزوجه فيها عيب لاسمح الله أنا الحمدالله واثقه من عمري وأعرف انه كل شي نصيب بس مقهوره انا ماضريت حد فيهم ليش المتزوجات اسوون جي خاطري بس احصل شي واحد يقنعني . هذا موضوعي مااقصد فيه عرض عمري للزواج ولا شي ولا قصدي اني غيرانه من حد فيهم بس انا متضايقه ليش هم جي استوو ، ترى الريل مب اخر الدنيا بيي يوم بتحتاجين ربعج معاج مابقول غير الله يهديهم يارب .

انتي حبيبتي شكلج حساسة زيادة عن اللزوم والزواج حياة ثانية وكلن مشغول بحياته وهذا مب معناه انجلبت عليج
يمكن مشغوله بعالمها اليديد ،،،،انتي اذكري الله واستغفري ربج هذا الشيطان يوسوس لج
يعني انا مثلا تزوجت الحمدلله وكونت اسرة ولي مشاغلي وماعرف شي عن ربيعاتي الا ساعات مسجات بس يوم نتلاقى بمكان نقعد نسولف ونضحك ولا جنه ماشفنا بعض شهور وسنين هل هذا معناه اني انجلبت على ربيعاتي
الله يهديج الغاليه

الله يعين ..

ما اعرف شو اقولج ..

الله يهديهم و يهدينا ..

عادي حبيبتي انا بعد كنت اقول نفس كلامج قبل ما اعرس بس الحين يوم عرست عرفت ليش لان الوحده يوم اتعرس حياتها تتغير مب نفس قبل وما تتفرغ لسوالف البنات تنشغل بزوجها واهل ريلها وحياتها ومشاكلها يعني مثال انا احيانا ربيعاتي يدقولي ما ارد لان يوم يدقون يا اما اكون ويا ريلي او اهل ريلي او في المطبخ او راقده يعني باختصار يوم بتعرسين بتعرفين ليش البنت من اتعرس تتغير

جوفي فطوم انتي لساج صغيرة وايد … يمكن هذيلة عشان حياتهم الزوجية انشغلو (انا يوم تزوجت عمري بالضبط 29) تخرجت وتعينت وصارو عندي بيزات وكنت كاطة طاري الزواج وراية … خلي الي مايسال لايسال ولا تهتمين لحد عيشي حياتج فكري مستقبلج ماتعرفين ضروف البعض ونا بنصحج اهم شي مستقبلج وبس ولاتزعلين من حد ترا الناس كلهم خير وبركة ونتي منهم

اتعرفين انا يضحكوني هالحريم اللي يقولون حياه ثانيه وحياه ثانيه وتنشغل ف ريلها !!!! عنبووو 24 ساعه ويا الريل !!! الصرااحه هو بروحه بتلوع جبده اذا الحرمه تلصق فيه هاللزقه كلها ؟!!!!!

الريال يتزوج بس تعالي شوفيه .. لا يقطع ربعه ولا حياته ولا شياته .. بالعكس تلقينه من اول اسبووع راااكض عند ربعه .. ومستانس وشاق الحلج ..

بس حريمنا عافانا الله .. من اتعرس اتقولين بتبني مملكه سبأ ؟!!! وتلقينها انقطعت عن العالم عسب هالريل وف الاخير من كثر اللزقه ولانه مافي شي يشغلها ادور عن المشاكل اتنبش ف ريلها وادور عليه ادوااااره واتصير نكديه فأتنكد ع نفسها و ع بيتها ..

لا تزعلين حبووووبه .. مب الكل سوااااا

وربي يرزقج باللي تتمنينه

ههههه فديتج ضحكتيني والله انا من يوم تزوجت مافارج هلي