الدنياااا يا نااااس دواااااااااارة

هذا الموضوع اعتبرة خطــوة جريئة منـــــــــــــي

بعرض عليكم مشكلة ما تحصل إلا نــ,,,,,ـــادراً

بسم الله الرحمن الرحيم

بدت قصتي يوم كنت في الصف الرابع وكان عمري وقتها 8 سنين
كنت طالبة حالي حال الكل وكنت في مدرسة عمتي أخصائيتها وكانت يديدة علي المدرسة والطالبات و الجو لأني كنت أدرس في بوظبي في مدرسة خاصة
كان أول يوم لي صعب كأي طالبة
ولكن…!
الموضوع اللي صعبه أكثر إن في بنت كانت شالة مثل شنطتي وكنّا حاطين الشنطتين عدال بعض وأنا في هذاك الوقت اللي غلطت فيه البنت وشلت شنطتي كنت أوصل أختي اللي أصغر عني صفها و رحت بعدها صفي…..
وبعدين فتحت الشنطة وتفاجأت
هاي الشنطة مب شنطتي….!!!!
ورحت سيـــــــــــدة عند عمتي عسب أقوللها هالشنطة مب مالتي فبدت تدور وتشوف الشنطة يمكن فيها معلومة تدل عن اسم البنت او صفها لأني تأخرت في الدوام فداومت على ثاني أو ثالث يوم في المدرسة ما أذكر عدل

وحصلت شنطتي ورديت صفي…
للحين الوضع مستقررررر

بدت الأيام تتوالى …
تعرفت على بنات الصف وما كونت أي صداقات بسبب الحقد اللي كان في قلوبهم علي والسبب:لاشيء!!!!!!

كنت أتعرض في الصف لأنواع الإهانات و السب و مرات توصل للضرب!!!!

أنا أول فترة كنت أسكت وما أقول شي
بعدين شفتهم تمادووا في السالفة
من قاموا بالضرب قمت كردة فعل تلقائية أضارب
كانوا يجتمعون بدوني ويخلوني بروحي يالسة في الصف
كنت أيلس في الفررصة مع أختي
حتى أختي ما كونت صداقات ولا تضاربت مع حد
أنزين و مرت هالسنة ونزل فيها مستواي !!
لأني أبداً ما كنت مرتاحة للصف
مادري إذا تعرفون شعور كأنج نكرة بينهم
مرة تضاربت مع وحدة ووصلت لدرجة أني أخنقها!!!!!
وبعد هالسنة
يت السنه اللي بعدها خامســ ….
داومت يومين في سكولي و كانوا البنات اللي تضاربوا معاي يتقربون مني!!! ليش لأنهم ما عندهم في الصف حد يعرفونه غيري!!!!!
وكنت فاهمة هالتصرفات كلها و كانوا يوم يكلموني اطنشهم ولا جنه حد يكلمني
وبعدها انتقلت من هالبيئة ورحت مدرسة يديدة وكونت صداقات لا تعد ولا تحصى ومستمرة للحين أول ثنوي!!!!!!
نطوف 5,6,7,8,9,

نيي لعاشر أحين أنا في الصف العاشر ولله الحمد

لاحظت فيها إن الدنيا صغييييييييييرة فعلاً صغيرة
نقلونا للسكول اللي كنت أدرس فيها 4 وردت كل الذكريات تنعاد!!!!
وفي هالمدرسة شفت البنات اللي كنت دارسة معاهم 4!!!!!!
واللي تضاربت معاهم
لأني من النوع اللي ما ينسى عدوه
ما نسيت أشكالهم او أسمائهم طوووول هالسنين!!!
تلاقيت معاهم أنا عرفتهم وهم شبهوا علي!!!!!!
وعرفت إن الأشكال ما تتغير و
النفوووووس بعد ما تتغير مع الأسف
الحقوداااات بعدهن حقوووداااااااااااااااات
و لا أبشركم
عادوا سالفة رابع مع ربيعاتي!!!
انا ما خبرتكم كل شي في هالسنة لأني كنت شبه ميته
أسوأ سنه مرت في حياتي
وغير الكلام اللي كانوا يطلعوونه علي
و أحين على ربيعاتي
ما اظن في وحدة منكن ترضى حد يقول لربيعتها أنتي أحطج عدال نعالي!!!!!!!!!!!!!!

حبيت أفضفض لكم
لأن اللي في داخلي ما يعلمه غير الله
وغير اللي استوالي برع حدود المدرسة
أعظم من اللي قلته بواااااااااااااااااااايد

أتريا تعليقاتكم وشو بتسون لو كنتوا مكاني في الوقت الحالي؟؟
بتحاسبونهم على اللي مضى؟؟؟
بتعرفونهم على أنفسكم؟؟؟
بتسألينها ليش سويتوا جييي؟؟؟
أترك لكم البـــــاقي

حسيتي….!