الزكام والحمل ساعدوني بليييز

السلام عليكم ورحمة الله وبركاته

خواتي الله يخليكم ابى اخبركم انه صاااارلي شهر وانا اعاني من الزكام والين الحين ماراح عني اللي سمعته انه الزكام مب زين حق الحامل … قوليلي شو الحل؟ ساعدوني

لا حبيبتي عادي انا ياني الزجام في بدايه حملي تعبت تقريبا اسبوع بس الحمدلله الامور كانت طيبه
الخطر تعرفين في شو في ارتفاع درجة الحراره راقبي حرارتج اذا ارتفعت فوق ال 37 سيري الدختر على طول علشان يعطونج مغذي .. حاولي ترتاحين حبيبتي و تشربين سوايل وايد و اذا تعبانه سيري عند الدكتوره بتعطيج ادويه خاصه بالحوامل

وانا اخس عنج تعبت اول مره جييه يستوي لي كله مزجمه

مشكورين فديتكن عالرد بس حمدلله يتني الحراره مع الزجام قبل 3 اسابيع خذت دواي وراحت الحراره بس الزجام اللي طول الين يومج … عشان جيه خايفه…

ترا حبيبتي الحامل مناعتها تكون ضعيفه فتطول عليها الزجمه.. عليج بالعسل .. وجان بتاكلين شويه كركم اذا فيج كحه

انا عطتني الدكتوره عن الكحه دوا وااايد فادني الصراحه اسمه (بلسم) قالتلي هذا كله اعشاب طبيعيه ومايضر الحوامل
وما كملت يومين وخازت عني الكحه الحمدلله وخشمي كنت ارشه بماي وملح هذا الي ينباع فالصيدليه ماشي خيار ثاني لان الادويه الثانيه خطيره مب زينه للحوامل

عادي حبوبة الزكام مايضر الحامل .. الحمى هي اللي تضر .. طنشيها وان شاء الله بتروح .. واذا حسيتي انها مبهدلتنج وايد .. سيري الدكتورة توصف لج دوا .. بس اذا كنتي في اول شهور الحمل تضرج الادوية

فديتج الغالية انا من حملت مرتين ياتني الحمى والزكام والاحتقان سبحان الله قبل الحمل ماكنت أمرض ولله الحمد ومن حملت مرتين مرة في الشهر الثاني ومرة في الشهر الخامس وكنت أتفرك بفيكس وارقد بمكان دافئ مايل للحرارة سبحان الله واشرب شاي ومن أقوم الصبح الحمد لله مافيني شي بس الحمى هاك اليوم تمت عندي 3 ايام ورحت لدكتورتي عطتني دواء نال الأطفال ومن شربته مرة وحدة دقايق وراحت عني الحمى والزكام عليج بالفكس مرة وسدي خشمج بالكلينكس والله يعينج