بنات وحريم انا الحمدلله رب العالمين ما عليه قصور ، مؤدبة وحلوة وفرفوشه وابدا ما عندي مشاكل مع حد ،وحياتي سعيدة مع عائلتي واصرف على عمري ولبسي كله ماركات والماسات ،، و لا ايلس اصيح على مخدتي اخر الليل ، اسمع ام كلثوم لكن ابدا ما احس بشي ، اصلي فرضي وسنتي … والحمدلله رب العالمين على كل هالنعم اللي كثيرين ما يملكونها واهمها راحة البال ..
لكن مشكلتي اني ابا ارتبط برجـــل يشاركني يومي وحياتي ـ انا حفظت نفسي كل هالسنين من اجله ، اقوم الليل كل فترة وفترة وادعي ربي انه يرزقني الزوج الصالح والذرية الصالحة ..
لكن بعدني بالانتظار ….. باقي لي كم سنة وادخل الاربعين @@ عقبها لو يبت عيال اخاف واحاتي اييوني عيال مغوليين واتعب بدل ما ارتاح في تربيتهم …. اخاف اني ان ارتبطت ما احقق كل احلامي بحب هالزوج والدلع لاني بكبر وبفقد الكثير من حيويتي ان ما كنت فقديت نصها الحينه
وايد خرابيط تمر جدامي ،،، استغفر واستعوذ من ابليس لكن هالافكار شر لا بد منه لدى كل بنت باختلاف سنها وجنسيتها واخلاقها ……….
اتمنى انه كل وحدة تقرا هالموضوع تدعيلي وتدعي حق خواتي بعد انه الله يرزقنا الزوج الصالح والذرية الصالحة ونقدر على جهادنا بحفظ انفسنا يارب … يارب
قولي بييني ولد الحلااال بأذن الله .. والله بيرزقني عياال معاافين صاالحين ان شااء الله
عزيزتي استغفري دائمااا وتقربي من رب العالمين وتصدقي ^_^
الله يرزقج الزوج الصاالح والذريه السليمه الصاالحه يااارب
واشتكي للواحد الاحد فنص الليل هو القادر بامره الكاف والنون
ماعندي غير دعوة لج ولبنات المسلمين بالستر والزوج االصالح عاجلا غير آجل