الطيــب { مقصـه ~*

حزت ف خآطري كلمتهـآ ومن ذييج آلسـآعه وآنــآ آفكر فيــهآ .. كيف آنـــــآ مقصه ؟؟؟

بس طبعا مب كل شي تقولين له تم عشان يكسرون خاطرج لاااا

قولي لا فالوقت اللي تحسين فيه انها لازم تنقال

الله يوفقج يارب ويسعدج

منو قال ان الطيب مقصة بالعكس ….

الطيب يكووون قلبه ابيض ومسامح مع المسلمين

دينا دين تسامح وهذا يكفي

ما عليج منهاااا …

الطيبه اللي فينا الكل يتمناها بس اذا عرفنا نتعامل ويا كل شخص بسلوبه ..

فعلان اختي هاذا الي صاير هالزمن الانسان اذا شاف انسان طيب يستغل طيبته !!!!!!

ف من الصعب تكون طيبه مع كل حد هالايام و في كل شي لانه بـ جذيه حقج بينأكل !

اليوم كنت أتناقش ويا الوالدة وحرمة كبيرة في العمر

كانت تقول إنه بناتها وايد يحترمن رياييلهن وأمهات رياييلهم بس بالمقابل ماشي معاملة طيبة

وحريم اخوان رياييل بناتهم اللي يعاملون امهات الريل بقساوة ينحطن ع الراس

فقلت لها

هالأيام الوحدة إذا احترمت أحد يدوسون عليها

واللي ما تحترم أحد الكل يحترمها

ما أعرف شو السالفة والله

واااااااااايد انقهرت

يعني تخيلي تقول لي وحدة من بناتها لو الغدا سمج.. لازم تسوي سمج مشواي ومقلاي وصالون وفي الفرن… وإذا واحد من هالأصناف ما عيبه تقوم القيامة عليها

والثانية اللي ما ريلها ما تصك المطبخ مدلعينها آخر دلع…

وهذي المسكينة اللي تحترم ريلها ما يبادلها الاحترام

ووايد لاحظت هالشي في كل العوايل

اللي تحترم أم ريلها أم الريل ما تحترمها… تستغلها آخر استغلال… تعاملها شرات الخدامة…

طبعاً أنا ما أعمم

بس الأغلب جيه….

سمحي ليه طلعت عن موضوعج

بس أبين لج كيف الطيب ينداس في كل الأحوال هالأيام

دايما يقولون عن الطيب.. هذي خبلة.. مينونة.. ما عندها سالفة.. إذا يت تبا ترمس الكل يغمز للثاني ويضحك…

الله يكون في عونج الغلا..

وانتي ما عليج من رمسة أحد

واللي تستاهل الاحترام احترميها

واللي ما تستاهل ما بقول لج لا تحترمينها.. لأ.. ابتعدي عنها..

لأنه ما بتقدرين تقلين أدبج.. لأنج ما تربيتي ع هالشي…

ولج كل التقدير والاحترام ع قلبج الطيب في هالزمن القاسي..