بنتي ربي يخليها ويباركلنا فيها ،، عمرها تقريبا سنتين و نص،،
ومن شهر أحاول أعلمها بدون البامبرز،، بس أحس الموضوع طول و متعبني،،
فديتها من تسويها تقولي، واحاول افهمها انه لازم تخبرني قبل عشان بسرعة اوديها على الحمام،،
هي تقولي ماما وديني حمام،، ويوم اوديها تكون مسوية و خلاص،
ماعرف شو أسوي،، ضربتها على الخفيف وقلتلها لا تسوين،، بس أحس ما فاد،،
ويوم تسير الحمام وما تخيس عمرها أصفق واشجعها،، بس بعد,,
ممكن تفيدوني.. شو لازم أسوي،، وهيه يوم نظهر البسها بامبرز لأن أخاف تسويها ونحن في الدرب،،
فديتها ..
يبالها طولة بال وتشجيع بالهدايا (شي بسيط مثل المصاص) ^^
بس شهر وااايد !!
المهم
وفي البداية هي ما بتيي تقولج .. ابي حمام
انت عليج كل ساعتين او 3 سئليها وذكريها قولي لها تعالي اوديج الحمام ..
لا تقولين لها في او ما في حمام .. ترى بتقولج لا لا ما في حمام ^^
(يوم تتعود عليه .. بتقولج ماما ابي حمام )
والله يفرحج بها ..
ولدي عمره سنة و10 شهور في البداية ما كان يفهم بس الحين يعني ابتدى يربط ان هالشي لازم انسويه في الحمام الحين اعوده على الثقيلة اول ماينش اوديه الحمام وااايد يتأخر لين مايسويها يعني يتم حوالي نص ساعة او 45 دقيقة .. يمللني .. اخليه وكل دقيقتين امر اشوفه وهو مسكين ناطر الفرج هههههههه … اذا كنت بعيده عنه وسواها يصفق
مثل ما عودته هني اعرف ان خلاص .. وشوي شوي اكيد بيتعلمون .. الله كريمكل ساعة او ساعة ونص وديها .. بتتعبين لكن عشان تتعود..
حتى لو قالت ما فيني وديها.. لانها عسب تكمل لعبها عادي تقول ما تبا وهي فيها..
ولازم تشجيع من تخلص تصفيق وبوس وانتي شطورة ونظيفة ==>حفلة
وللطلعة حفاضات لين اكيد تكون خلاص ما تسوي ع عمرها..
والله يحفظها ويبارك فيها..
صدق الموضوع يبالها طولة بااااااال