ادري الموضوع انسئل فيه وايد
والكل يعيد ويسال
انا قريت كذا موضوع بس الصراحه احترت
انا ناويه اسير بوهيل لاول مره افصل فيه انا دخلته مره وحده قبل بس الصراحه ما شريت ولا فصلت
المهم كل المواضيع اللي قريته سجلت محلات وايد
بس انا وقتي ضيج وريلي بيكون عندي يعني ما يخليني داخل بروحي
فبليييييييييييييييييييييز بلييييييييييييييييييز ابا منكن تحدد لي وين بحصل المحلات اللي فيها موديلات يديده
يديده بقصات ناعمه
وراقيه وكوالتي حلووو يعني الخامه حلوه مب تخترب بسرعه
واذا فيه محل لعبي الاعراس دلوني عليه
اتمنى انكم تفيدوني لانه اللسته اللي حصلتها طوووووويله وايد وانا اعرف ريلي يضيق من الاماكن اللي جيه وبيقولي خلصي بسرعه
ومشكوووووووووووووورين
كم ميزاينتج للعبايه ؟؟؟
تبين عناوين المحلات ولا مصممات العبايات؟؟؟
ناويه اسير بوهيل ابغي المحلات الزينه واللي عندها موديلات يديده وكوالتي حلوه
ادري وايد بس ما بقدر ادخل كل المحلات وادور لاني ريلي وعيالي عندي
اتمنى حدد يرد عليه قبل الويكند
سحر العيون في الطابق الثاني … اسعارة زينة و موديلات غاوية
دجي الليل الدور الثاني .. بسرعة يخلص الطلب وتعاملة حلو وممكن يكاسر
بيت الأحبة الدور الأرضى و الدور الأول
حنظل الدور الأول
أبو حليقة الدور الأول حاولي تكاسرينة لأنه اسعاره خيالية … ولكن موديلاته حلوة
عروسة البحر الدور الأول موديلات بحرينية وجديدة
الظبيانة الدور الأول
جاكارد الدور الأول
لاروش وسيدة الرياض
سويتى الدور الثاني .. حق الأعراس (حلو)
ملاحظة أغلب المحلات بتلقين الموديلات نفس الشي .. بس سوي لفه علي المحلات علشان تشوفين الفرق في الأسعار
دعواتكم لي…