الفضاضة وجفاء الألفاظ .. واسلوب اختيار الألفاظ …
كل كلام يصدر عن الشخص فهو يعبر عن حقيقة تفيكره ومدى عقليته … وتكوين نفسيته
وطبيعة اخلاقه .. وكيف يتعامل مع من حوله … وكيف يستقبلونه الناس … باختيار الفاظه … عن طريق تفكير عقله …وهذا يتطلب منه ان يكون صاحب سجية طيبة بعيدا عن
اللغو والكلام البذئ….ولابد للشخص ان يسال نفسه عند كل حديث هل مناسب ان اتكلم الان وفي ماذا اتكلم وباي اسلوب اتكلم …
والالفاظ التي تخرج من غير مراعاة احاسيس الأشخاص الآخرين .. ويعتبرها هو لهوا ..
ومزحا .. بينما ترى قلوب محملة من ويلات الفاظ هذا الشخص …
وهذا مايدل الا على الفراغ الذي يعيشه الشخص والفشل.. المصاحب له اينما رحل …
مثل اداة الطبل اذا ضربته طلع صوت عال من داخله واذا فتحته وجدته فارغا….
ومو ضروري ان يكون الشخص المتلقي لهذا الكلام بليد الاحساس تهون عليه نفسه وكرامته بل لابد من الرد على من يمتهن كرامتنا ويسئ الينا بطرقه السخيفة في اسلوبه
يحاول كثير من الناس ابراز قوه شخصياتهم من خلال فضاضه قلوبهم وجفاء الالفاظ في التحدث مع الاخرين.
في الحقيقه ان فضاضه القلب وجفاء الالفاظ لا تعبر عن قوه الشخصيه في أي حال من الاحوال وليست سوى دليل
على ضعف الشخصيه وعدم اكتمال العقل فتلجئ هذه الشخصيات الى التعامل مع الاخرين باسلوب منفر ويستخدمون الالفاظ غير مخلقه أحيانا
وتحمل كثير من التجريح دون أن يعلمون شيء . ما اثبتته الايام والتجارب هو ان الشخصيات القويه تثبت قوتها دون الحاجه
الا هذا الاسلوب المقرف الذي يجعل الاخرين ينفرون من حولنا ويضمرون لنا البغض والكراهييه.
لا اقصد هنا ان لا نكون صريحين ،، ولكن لنحذر الا نكون وقحين
منقوول
بس فالحياه تواجه الواحد مواقف مع اشخاص معينين مضطر يعطي ( كاش بالويه ) عسب يقدر يوقف كل شي عند حده .. << فيه مواقف مجبور ..
بس انه لما يكون بشكل دايم و مع جميع الناس طبعا ابد مش مناسب و مثل الكلام اللي ذكرتيه
صح في فرق بين فضاضه وفضاضه
في ناس يقولون كاش في الوجه يعني يوم واحد يثقل عليهم او شي ثاني صح
بس في ناس قابلتهم مكس
يعني كاش وفضاضه !!!!!!!!يعني الفيوزات والتسليك ضارب من الناحيتين
لا انت بعيد عاجبه ولا قريب
المشاركة الأصلية كتبت بواسطة شعاع امل 
صح في فرق بين فضاضه وفضاضه
في ناس يقولون كاش في الوجه يعني يوم واحد يثقل عليهم او شي ثاني صح
بس في ناس قابلتهم مكس
يعني كاش وفضاضه !!!!!!!!يعني الفيوزات والتسليك ضارب من الناحيتين
لا انت بعيد عاجبه ولا قريب
فضاضه وفضاضه
انا ما اعرف شو الفرق بينهم
المشاركة الأصلية كتبت بواسطة ورقة ناعمة انا ما اعرف شو الفرق بينهم
قصدي اختي في جملة (فضاضة وفضاضة) ان في نوعين من الفضاضة مثل ماقالت روح الامارات وانا بعد قلت في العنوان
مثلا في ناس كيف اقولك؟
ممكن اسلوب تعاملهم مب حلو وياكي او انتي مب مرتاحه لهم بشكل عام لكلامهم لتصرفاتهم
مثلا في الدوام موظفه او زميله ترمي عليكي كلام تفاتن مثلا عند المسؤولة او المسؤول انتي مب شاطره في العمل تتاخير عن الدوام اشياء مثلا او لو شافت عليكي اي غلطه تمسكها من دون ماترجع لك
يعني بالعربي ماتحبك لسبب
فانتي تضطرين تواجهينها مثلا تقولين لها يافلانه انتي ليش سويتي جي وجي وهذا حقك
مافيه شي بس يمكن يتم بهدوء
بس في ناس يقطعون عرج ويسيحون دم يعني مثلا لو بدر من زميل لهم شي هم مب مرتاحين له يمكن الزميل له دوافع سليمه او مب سليمه
فيعطون كلام جارح يعني ممكن يجرحون بالكلام وردت الفعل تكون اكبر واعلى من التصرف البادر من الزميل وجدام الكل في الدوام
فهذي بعد فضاضه حتى لو كان اسلوب دفاعي بس فيه فضاضه
العين بالعين والسن بالسن والبادي اظلم
بس بعد فيه حق وهو فضاضه محموده تعتبر في ناس بيقولون يستاهل فلاني وخلينا نحرجه
مثلا ربيعه لج في الكلية انتي وهي في نفس المشروع بس ماتشتغل شغلها بس دوم دوم لازقه تريد تسوي معاكي مشاريع عشان تشتغلين لها وهي قاعده تاخذ علامات على الفاضي
فاعطيكي مثال شفته
مره زميله لنا طلبت من زميله معروفه انها شاطره تشترك معاها في المشروع الزميله الاولى مب ذاك الزود ويوم طلبت منها كان جدامنا في قاعه في القاعة واغلب البنات حاضرات
راحت رفضتها بصوت عالي جدام الكل وقالت لا ماتشترك ويانا في البروجيكت او المشروع هذي بتقعد وبتخلينا نحن نشتغل وهي قاعده !!!!
كلامها صح 100% ولكن كان الاسلوب فيه احراج للبنت تركت البنت المحاضره وهي زعلانه
بس اشتركت مع مجموعه ثانية
هي كان في مجال تقول لها بنشوف او والله مااعرف
هي بتفهم ان لا
وخلاص
فهذا بعد يعتبر فضاضه بس بعد فيها حق
وفي ناس بيقولون صح كلامها يعني ليش تشتغل لها يعني
مثلا في عندك ربيعه تتصل عليكي كل يوم كل يوم كل يوم يمكن محتاجه حد تكلمه او جي ازعاج
يمكن انتي في الدوام تزعجك او شي يعني مب مراعيه بس تريد تفضفض او تطلب مساعده منك في وقت غير مناسب او حسيتي النيه ثانيه
ممكن تسكتين مره مرتين ثلاثه وبعدين تقولين لها بكلام طيب اختي السموحه يوم تبين تتصلين يوم ارد البيت او وانا فاضيه بكلمك وخلاص
او انتي ليش تتصلين علي في شي؟!
في ناس مايتحملون كاااااااااش خلاص لا ربيعه ولا اعرفه
بتسد الخط في ويهك بتقولك بعدي عني انتي لا ربيعه ولا اعرفك
يعني مايتحملون
يعني اتذكر وحده ماكانت تحب شكلي
فيوم اكون جالسه مع ربيعاتها تجي تقول بالحرف الواحد
فلانيه فاااااااااره
ربيعتي ذيك وجه القمر بس فلانيه لا
فلانيه عصفور
وهي تعتبر هذا عادي لانها تعتبر ان مافيها شي انها تقول فلاني ماحبه بهذي الصوره
يجوز هي صريحه بس طبعا لو عند شخص ثاني مابتكون فضه جي
كان ممكن تقول فلانيه اخلاقها حلوه مب مشكله مثل اختي
عرفتي علي
بس هي ماتحب فعتبرت عادي تتكلم بهذي الصوره
كان ممكن امسح فيها الارض وانا مسحت فيها من قبل بس سكتت
يمكن مب عارفه اشرح بس في ناس بدافع الشخصيه او الدفاع اسلوبهم بيكون فض
وفي ايه بالقران تنصح الرسول ص
ان يدعوا الناس باسلوب حلو
في ناس عند الطلب حتى ماعندهم كلمه لو سمحت
بس هاااااااااااات
مثلا اعطيكي مثال من حياتي الفضه
مره كنت داخله عند المدير العام اطلب منه يعطيني شغل اكثر وجي(مافي اصلا موظف يطلب يتعب عمره بس انا طلبت)
هو مب مقتنع بي
قالي بالحرف الواحد يعني لا تسوين عمرك متعلمه الكل عندنا هني متعلمين حتى الفراش متعلم
!!!!!!!!
خبرني شو الداعي لهذا الكلام
مب يعتبر فضاضه
وهو بوجهة نظره دفاع عن النفس
هو اول ماشتغلت طلب مني اني اتكلم بصوره حلوه عند الكل عشان كل الي في المكتب متعلمين وجي يعني مهندسين!
زين شووووووووووو لازمت الكلام هذا يوم ساكته مب عاجبهم يوم اتكلم مب عاجبهم
هذا بعد مب فضاضه
في ناس يطلعون الي في قلوبهم بصوره فضه ويعتبرون عادي انا ليش انافق يعني
بس مب فضاضه