الكل يدخل بليييييييييييييز عشان تعرفون السبب

مرحبا خواتي , انا بدخل في الموضوع على طول ابغي افضفض , امس كنت حاطه في بوكي مبلغ وصرفت منهم شوي تم في بوكي 500 مسكر و 200 على شكل 10و 5 يعني المبلغ الاجمالي 700 هذا غير الدراهم بس انا كنت تعبانه لاني كنت يايه من بره فقلت بعدين بطلع 500 وبحطه في البيت بس نسيت , واليوم وانا رايحه الجامعه اخذت تاكسي و وصلني الجامعه ودفعت له البيزات لان ما عندي سياره عسب جي سويت من 200 فكه 10 و 5 حق التكسي ورحت وشريت شي اشرب قبل لا يبدأ الكلاس , بتقولون وين المشكله ؟ , البيزات كانت موجوده وانا متاكده , المهم بعد ما خلصت الكلاس سرت عند ربيعاتي الميلس و سولفنا وكلينا بس كان عندنا كلاس الساعه 6 لين 7 وشي فقلنا بنخلي اغراضنا وعقب بناخذهم وانا كنت مستعجله فخليت البوك في الشنطه عسب ما يضيع وخذيت الموبايل وعقب الكلاس ردينا وخذينا اغراضنا بس ربيعتي كيكتها اختفت لان هي خلته عسب تاكله بعدين قالت: يمكن مالي نصيب فيه, بس حسيت انها تضايقت وراحت , المهم انا اتصلت براعي التاكسي وانا خلاص وصلت البيت وفتحت البوك و تخيلو المفاجأه بيزاتي ماشي انصدمت حتى الدريول حس من نظرتي وصوتي في شي , قمت واتصلت بربيعتي قلتلها انا انسرقت سالتني كيف و كم المبلغ قلت ال200 الي كانو الفكه بس عقب تذكرت 500 شان اقولها المبلغ كل انسرق حتى الدراهم وهي حليله تحاول تهديني تقول سيري و بلغي في الجامعه قلتلها ما اقدر وصلت البيت قالت خلاص يوم الاحد خبريهم و انا ارمس و الدريل يحاول يهديني لاني صدق كنت بحاله و انا فيني صيحه قال خلاص روحي راح بدون ما ادفع له ونزلت من السياره و اقول حسبي الله ونعم الوكيل , رديت البيت واخوي حس ان في شي مستوي لان شاف الحاله الي انا فيها و قلت حق اخوي قعد يتفلسف انتي ليش تركتي البوك و وايدين يستويبهم شرات ما استوى فيج وانا مالي خلق خليته و طلعت عقب دق علي الباب و رجعت له مره ثانيه, عقب قال يمكن الفراشات و اكيد بصمتهم موجوده على بوكج >>>> الاخ مستوي لي كونان خخخخخخخخ …. و قال انسرق اي شي غير البيزات قلت لا قال هب مهم قلت انا محتاجتهم هالبيزات ليش ياخذونه انا اباه لانه حقي , يا بنات فهمو علي انا من النوع اذا احد طلب مني شي اعطيه حتى لو ما عندي ما اقول لا , بس لو احد اخذ مني شي بدون ما يستاذن ما ادانيه ما اقدر استحمل , انا ادري ان المبلغ ما يستاهل واحد يضايق نفسه علشانه بس هاي اول مره يستوي بي جي و في الجامعه المهم انا بعد من الضيج قمت وطرشت مسج حق ربيعتي الثانيه وقلت مصيبه واتصلت بربيعتي اللي انسرق الكيك مالها عسب اخبرها ان اللي سرقها سرقني بس موبايلها كان مغلق>>>>>> فيلم هندي ككككككككككككك …….. المهم رحت ومسكت القطوه اللي مطفره بامي وسبحتها عسب تتادب وعقب توضييت وصليت وتميت اقرا قران وهديت شوي وشو تتوقعن صار؟
دقت ربيعتي ويوم بغيت ارد سكرت رديت اتصلت فيها, مره خطها مشغول ومره موبايلي يعلق اففف ابغي اغير هالموبايل صدق ملعوزني ,المهم يوم ردت قلت: قريتي المسج قالت هيه , شو مستوي؟ من الصبح اتصل فيج ما تردين و عقب حصلته مغلق شو السالفه؟ قلتلها : انسرقت , قالت وين ؟ وشو الي انسرق؟ خبرتها السالفه كلها , قالت المبلغ بسيط حمدي ربج لانج مرات تاخذين مبلغ اكبرمن جي 2024 وفوق حمدالله انج ماخذيتي اكثر, راحت البيزات وراح الشر معاه ,وسالتني في شي ثاني انسرق قلت لأ, قالت: مره ثانيه لا تتركين بوكج بلغتي الجامعه قلت: لأ لاني وصلت البيت بسير الاحد, قالت:الله يعوضج خير بس خرعتيني بالمسج حسب بالي مصيبه عوده, سالتها شو كنت تتوقعين مستوي؟ ……..قالت :هه لا بس يوم قريت الرساله ومارديتي وعقب حصلت الموبايل مغلق قلت اكيد في شي عود صاير؟ بس هاي هب مصيبه >>>>>>>>>>> عاد انا فيني فضول ابغي اعرف شو كانت تتحسب مستوي , بس قالت بسير السوق ويا الاهل باي ….و سكرت التليفون.
رديت عند اخوي وتمينا نسولف سالني في حد من ربيعتاج انسرق لها شي؟ قلت انا شو دراني اذا انا روحي انسرقت وما دريت الا بعد ما رديت البيت؟ عقب قلت له عن الكيك قلت الحرامي ما تركلي شي غير درهم ونص في البوك>>>>>>>>> شكله كريم وايد هالحرامي
وعقب ما سرقني شكله سرق كيك ربيعتي عسب يحتفل و يحلي>>>>>>> زقوم في بطنه انشاءالله ……. انا يوم الاحد بسير وبشوف شو بيستوي ادعولي ان الله ياخذ حقي .
انا سمعت في دعاء اذا الوحده ضاع منها شي يرجع لها اذا وحده فيكن تعرف هالدعاء تطرشلي اياه على الخاص دخيييلكن خواتي
وسامحوني لاني طولت عليكم.

اللهم ياجامع الناس في يوم لاريب فيه . . اللهم اجمعني بضالتي عاجلا غير اجلا .>> هذا هو الدعاء ..

الله يرجعلج حقج ان شاء الله

الله يعوضج ياربي ..

وهاذا هو الدعاء

اللهم يا جامع الناس في يوم لا ريب فيه اجمع بيني و بين ضالتي

صدق قهر الله يرجعلج حقج ان شاء الله

سوال : اغلب الجامعات تستوي فيها سرقات ليش ما يركبون كاميرات مراقبه في كل مكان عدا الحمام وبعلم الجميع عسب الي يفكر يسرق راح يفكر الف مره قبل لا يسرق ؟ انا قلت بعلم الجمبع يعني يخبرون الطالبات مثلا ان المجلس فيه كاميرا عسب الي تعدل شيلتها تروح الحمام وتعدل , لان يوم تستوي سرقات ما شي دليل حتى لو انتي عرفت الشخص الي سرقج, على كل حال راح اخبركم شو بيستوي معاي الاسبوع القادم , انتظروا الجزء الثاني

مشكوررات فديتكن

الله يعوضج الغاليه