الكلوميد منشط المبايض

الدكتورة كتبت لي كلوميد منشط المبايض ارجو من الحريم الي استخدمت هذا الحبوب تخبرني شو صار معاها لان يقولون تحمل الحرمة ويمكن بتوم صح هالكلام ؟

مــاعندي فكــرهـ

ان شالله الحريمـ اللي ياخذونهـ يخبرونج ^^

هو صح ينشط المبايض واحتمال يصير توم
انتي قبل لا تاخذين التفجيريه شيكي كم بويضه عندج حجمها فوق 18 لو ثنتين احتمال يكون توم
إن شاءالله ربي يرزقني ويرزق كل محرومة بالذرية الصالحه

هيه أنا سمعت جيه …

وانا كنت آخذه بس ما حملت >>> الحمدلله على كل حاااااال

هو صح وعادي يستوون 4 توام او 3 !!!!!!!!!!!!!!!!!!

خفتي صح؟؟؟؟؟؟

بس عادي توقعي ……… وبعدين ييبيهم قيصرية خخخخخخخخخخ

الله يرزقج على قد نيتج

استغفر الله

ممكن بس طبعا بارادة رب العالمين .. نسبة بسيطه .. اخت ريلي طلعت لها بويضتين

لكن حملت بواحد ماشاء الله

وانا 3 شهور وتطلع بويضتين لكن ماحملت اكره الكلوووميد يزيد التكيسات ..

ابتعدي عنه الغاليه .. انا كنت يوم استخدمه الحاله زففففففت والحمدلله ..

انصحج بالحجاااااامه والله انها معجزه وعن تجارب كثير من البنات لو فيج تكيس

تشفيييييييج منه شفاء تام بأمر الله وحتى لوو فيج اي شيء يأخر الحمل ..

ماشاء الله من تسوين الحجامه على طول يصير حمل بأمر الله .. " معجزه " ..

لو بغيتي رقم الي تحجم بلغيييني ع الخاص

والسموحه

انا من فترة كنت امنزلة نفس السؤال … ووايد بنات في المنتدى حملو بتوائم بعد الكلوميد …
وحتى لو تقرين الورقة الي تي مع الدوا كاتبين لج ان احمال يصير حمل متعدد …
والله يرزقج على قد نيتج يارب …