أنا ريلي متأكدة انه يسولف ويا البنات ع التيلفون … وإذا واجهته بالحقيقة يعصب ويضربني ويقولي انتي مب واثقة فيني ..وانتي شكاكة … بس انا متكددة اشوف الارقام فتيلفونه بدون مايدري وارجع ادق عليهن واكتشف انها بنت .. واهو كل مرة يجذب علي ..ويضربني ..حتى انه احيانا يوم ادش فجاة اشوف ويهه اتغيير ويسكر الخط بسرعة ويرتبك ومايجمع … فشو الحل وياه انا مب مقصرة كشيخة حدي ..
والبنات ما بيقصرون وياج بالحلول الزينه
حاولي انت انتي تكونين كل اهتمامه يعني مثلا لاتخليه ييلس بروحه حتى ماتكون عنده فرصه ان يرمس هالبنات .. اشغليه بوقت فراغه شوفي شو هي اهتمامته او هواياته الريال يحب ان حرمته تشاركه بهواياته حتى لو ماكنتي تحبين هواياته حبيها عشانه .. تناقشي وياه شو يحب ان يشوفه فيج مثلا يوم تلبسين او تكشخين خذي رايه قوليله شو عيبك وهو طبعا راح يستانس ان انتي تشاركينه بآرائه … اطلعي وياه فتره الاجازه في اماكن انتوا تحبونها وخلي هالاجازه كأنها فتره شهر عسل يعني سوي اللي يحبه خلال هالفتره وراح تستانسون … وشوي وشوي راح تلاقينه يهتم فيج دام انتي مهتمه فيه وراح تلاقينه يقطع كل الخرابيط اللي عنده … والحياه اخذ وعطاء … ولاتفتحين وياه موضوع سوالف البنات .. خلج دبلوماسيه بالكلام وياه .. وان شاءالله راح يرد لج ريلج مثل قبل واحسن …
..
والله يوفقج عزيزتي
الحين انتي عرفتي انه يكلم خلاص وقفي عن التنبير في تالفونه انتي وصلتي وعرفتي انه يكلم بنات … الحين انتي فكري موفي انه يكلم فكري كيف اتخلينه يودر هالشي ..
اول شي ابتعدي عن خصوصياته وخليه يحس انج هب مهتمه في تالفوناته سويله اكبر طاف وواجباتج له مره لاتنقصينها
انا ماقولج اتعدلي زياه ولاالبسي عدسات واصبغي شعرج لااااء هاي اشياء تلفت نظر الريال لمده معينه بس حزت …… فهمتي الريال مايلفت نظره اللبس الريال اكثر شي يحرقه انج اتسويله طاف يعني يقول هاي ليش ماتنبر في التالفون ليش ماتواجهني ليش وليش وليش ماقامت اتسوي مشاكل …
اختيه لاتهينين نفسج له واتخلينه يظربج تراه النفس عزيزه انتي ابتعدي عنه وشوفي بس اهم شي مايكونله عذر فيج
وصدقيني كل الريايل نفس الشي يعني الحرامي بيسرق وبيقول انا سرقت اكيد لااااء
"ربنا هب لنا من ازواجنا وذرياتنا قرة اعين واجعلنا للمتقين اماما"
"رب اني مسني الضر وانت ارحم الراحمين"
ولاتنسين الاكثار من الاستغفار "اللهم اغفر لي ولوالدي ولجميع المؤمنين والمؤمنات الاحياء منهم والامات *اللهم ويسر لي امري *وافرج همي *واعني على كربتي *لااله الا انت سبحانك اني كنت من الظالمين"
وصلاة قيام الليل وقراءة سورة البقره كلما سنحت لج الفرصة
وربي يعينج على مابلاج وفرج همج ان شاالله