الله ياخذها بشكارتي الأندونيسية قاهرتني واااااااااااااااااايد!!!!!!

ساعدوني..ما عرف شسوي!!!!
ما عرف كيف أبدا وكيف أشرح لكم..
بس انا شاكة انه في علاقة بين ريلي وبين الخدامة الله ياخذها ما صارلها ثلاث شهور..
وخسرنا عليها وايد.. وما فيني على المراكض مرة ثانية علشان اييب وحدة ثانية..
بس الصراحة عليها حركات ماسخة.. وريلي كله يدافع عنها ويقول حرام لا تظلمينها!!!

يعني على طول تتكلم بصوت ناعم وخاصة لما هو يكون موجود..
ووايد تتلصق..
وفي السيارة وايد اتسولف ويا عيالي بمياعة وصوت ناعم..
ودومها كاشفة ايدها وما تلبس سروال تقهرني مع اني دايما أنبه عليها.. وشارتلها كل شي..

وبالنسبة لريلي..
أشوفه هالأيام أي شي يبا يطلب منها اهي ما يطلبه مني..
ووايد يدخل المطبخ..يشرب ماي ما دري شنو.. ويضحك وياها..
ويوم يزقرها ما يناديها بحزم .. لا بكل رقة ودلع..
ويوم اليهال يوسخون ولا يبون شي على طول يناديها هي ويشل اليهال ويوديهم عندها!!!

أف بمووووووووووت من القهر مع انها اتخوف أسنانها شرات السنجاب الله ياخذها..

ساعدوني الله يخليكم..
شسوي أسفرها .. طبعا ريلي يقول لا.. يقولي أنا أشوفها زينه!!!!
أهزبها.. ما عرف ما عرف..
أف والله اني واااااااااااااااايد أفكر ف هاي السالفة على طووووول.. ومضايجة..حيل حيل

أتريا ردكم..

لو منج بسفرها ع طول و ما عليه من ريلي الخدامه لي و لعيالي هب له هو و اقطعي باب الشك و سفريها شو تبينها مليون وحده غيرها ..حياتي لا تفتحين لعمرج باب انتي في غنه عنه .. هذي البداية الله يستر من بعدين ..

و السموحه ..

حبيبتي والله أكبببر المشاكل الأندونيسات
همهم تكرمين الجنس ووكله يتعاملون بالسحر

تلاحقي على ريلج حبيبتي ولا تعطينها مجال ولا حتى تعطينه

والله كل المشاكل من الأندويسيات مع الطلب عليهم وااايد
تخلصي منها بأي طريقة
والله لاتضيعين حياتج
هن يعتبرن شباب الخليج متخلفين فلا تخلين هالإعتبار على ريلج إنتي بس

وربي يوفقج وإييسر أمووورج

شوفي الفلوس والخساير والمراكض عشان اتيـبـين خدااامه يتعوض لكن الريال لا ..

طلعي الف حجه وحجه .. وسفريها قبل ما يصير شي وتعضين اصاابع الندم الف مررره ..!!!

هاي نصيحتي لج .. وان شاء الله غيري يفيدج اكثر ..

صراحة إختيه إنت شو موقعج من الإعراب؟؟؟إنت حرمة البيت و المفروض تكونين حازمة وياها من البداية لو هاذي بشكارتي ما اخليها ساعة زيادة و نفاد تنفد البيزات تتعوض بس ريلج و حياتج ما يتعوضن..تحركي بسرعة و سفريها..والله يعوضج أحسن عنها بس لا تخلين اليديدة تحتك بريلج مول يعني اذا يبا شي يطلبه منج انت واذا هي تبا شي تكلمج انت والله يعينج

هلا الغاليه ……
والله حاسه فيج ….انا منزله مشكلتي هنا ونفس السالفه الخدامه الاندونيسيه ……الله يفكنا من شرهن ……
ماالومج …..حاولي بينج وبينها تنبهينها ……وتقولين لها لاتلسين هاللبس ….ونبهي عليها….واذا شفتها لابسه شي مب اوكيه روحي لها وقولي لهاانا ماقلتلج لاتلبسين جيه ……

وبعدين ريلج لايغيب عن عينج …..ماتدرين الشيطان .وهالشغاله الماسخه ….حاولي انج تقولبن له اذا تريد اي شي قولي انا وبخبرها ….مااباهاتاخذراحتها واااااايد وتتمادى …..

بعدين ريلج كيف كان يتصرف وياالشغاله اللي قبل يعني نفس الشي والا في تغير ؟؟؟؟؟؟
حذري الغاليه حذري منها ميه مره …….والله يعينج صدج انهن عذاب وين مرابع ولامنهن فايده مشاكلهن اكثر منهن

لو كنت مكانج
بسفرها.. بسفرهااااااااااا

رمسي ريلج.. و قوليله انا مول مب مرتاحه لها و قولي اي شي غير اللي انتي حاسه فيه ان شي بينهم…لانه بينجلب عليج..

ما اداني الاندونسيات… نااااااااااااادر ما تكون الوحده زينه