اانا بديت انابيب في مستشفى خاص ،، بس الاحظ انهم ماديين من تجربتي يعني تعبت ماحاتووني وايد سوولي تنشيط طلعووو مني بويضات وايد واخر شي تلقحوو ربعهم يعني حتى مايي نصهم ،، وخذوو من ريلي عينه من زمان للسبيرم عشان التلقيح (الحيوان المنوي) وردو خذوو منه عينه يوم سحبوو مني البويضات نفس اليوم اونه يبون فريش مع انه عنده مجمدات وزينات الصراحة قمت اشك في السالفه ،، ليش يبون منه عينتيت مرتين مع انه قالوو انه العينه الاولى ممتازة
اخر مرة وديت ادويتي كلها حتى المنشطات قالت لي الممرضة هاتيهم انتي ماتحتاجينهم بنحطهم في الثلاجة عندنا لاحد ثاني او لج وهيه تدري اني مابحتاجهم لانه عندي اجنه محمده تكفيني ل كذا شهر ،، اذا ماصار حمل قللها لا خليه محقي كتبت اسمي عالادوية وحطتهم بالثلاجة تذكرت مرة قلتها خذي دواي حطيه في الثلاجة بروح وبرجع عشان اييب شي من امارتي قالت لا ماشي مكان او بيضيع وماقدر اكون مسؤوولة عنه؟؟؟؟؟؟؟؟؟؟؟ استغربت تناقض كلامها يعني شورايكم مب يتاجرون بالادوية مالليلنا الزيادة مب بعيدةمايتاجرون باجنتنا صح ربيعتي سالت مطوع قالت بيطلعون من ذمتنا الاجنه بس والله انا ماحب حد يستغلني او مستشفيات تستخف بعقولنا وابا اتطمن وتعطوني مصدر ممكن اتصل فيه الي يراقبون المستشفيات.. والا شورايكم لاني ابا اتطمن مع انها سجلت اسمي عالادوية بس مشكوووووووووووووووووووووووك في السالفه ككل من ناحية الادوية والاجنه يمكن انا اوسوس بس الحذر واجب
انا كنت ناوية ابدل المستشفى بعد السحب بس كيف ابدل وعندهم اجنتي اروح اسوي سحب مرة ثانية في مستشفى ثاني تطول السالفه وماقدر
لانه في الخاص مثل ما قلتي تجاريين 100% .. يعني يسوولج فحوصات مالها داعي ويعطونج ادوية مالها داعي ( اذا الطبيب ما عنده ضمير) وهالشي يزيد يوم عندج ضمان لانهم يعرفون انج ما بتمانعين .. وانا شفت هالشي عن تجربة .. ويصير في كل دول العالم وعن تجربتي الخاصة في مستشفى خاص في المانيا ..
بالنسبة لسؤالج عن الجهة المسئولة تقدرين تسألين وزارة الصحة بس ما اتوقع انهم يعطونج جواب ..
الله يستر علينا وعلى اجنتنا ..
حاولي تسالين اكثر عن البنات الي وياج نفس المستشفي اذا سواء وياهم نفس الحركه
أختي حناني .. في البداية أستخيري قبل كل خطوه تسوينها … حتى لو كنتِ في العيادة نفسها وصار موقف حسيتي فيه إنج محتاره أو مضايقة … يكفي إن تقرين دعاء الاستخارة خزنيه في تيلفونج … وبإذن الله خيرة رب العالمين .. بتقنعج ..
الأمر الثاني في حال كانت شكوكج بأنه في تلاعب أو أمر يخض الأجنه والأدوية … عليج بالاتصال بوزارة الصحة والتكلم مع أشخاص مسؤلين عن العيادات الخاصة … صدقيني في وايد متعاونين في الوزارة في ما يخص هذا الجانب وبالعكس يحبون الناس الواعيه الي تسأل قبل لا تسوي أي خطوة خصوصاً جانب الأخصاب والتلقيح ….
كلميهم بشكل عام عن مشكلتج وروحهم بيسيرون وبيتابعون أوضاع العيادة الي تعالجين فيها … دون ذكر أي شي يخصج في العيادة … الأمر راح يصير بكتمان شديد ..
وبهذا الشكل بتكونين إنتِ مرتاحه بإذن الله ..
والله يرزقج ويرزق كل محرومه الذرية الصالحة الطبيعية دون الحاجة للتذلل للعيادات واستغلالهم للإبرياء الغافلين ..
اللهم مين ..
