المحنية سميره !!!

مرحبا
بغيت اسالكم منو الي جربت المحنية سميرة الي كاتبين عنها موضوع في المنتدى
شو رايكم فيها ؟؟حسب الصور المعروضة الحنا روعة بس انا سالت وحدة جربت عندها قالت مب شي حناها
ياليت الي جرب عندها يخبرني قبل لا نتوهق ونحجزها؟؟

صراحه اختي

انا بعد سمعت حنها مب شي شخصيا ماجربتها

مشكورة الغالية
اتريا البقية…رايكم يهمني

بصرااحه ماانصحج نحن شفنا الصور وعيبنا حناهاا

ويووم اختيه جربتها مب ذاااااك الزوود حتى انا ماتحنيت

وغير هاا حناهاا يحررق اتخيلي للحينه اختيه ف يدينها اثر بسيط من الحنه

يعني اذا حابه اتجربين حناها اشتريلج حنه رووحج وعطيها عسب اتحنيج

والناااااس اذواق يالغلا ^^

انا الي جفته من الصور حلو

بس العضوة نبض أحمد يوم جربت موووووووول ما عيبها

وانا بعد ماعيبني

بتجوفين الصور في دليل العروس بموضوع نبض أحمد عن عرسها

انا شفت حناها في الصور حلووو.. وفي ايد وحده بعد حلووو.. بس وحده من الاهل يابتها بس وحده منهن تحني حلووو والباقي مب شي..

يعني الاكثرية يقولو مب حلو
خلاص كنسلتها ..اخاف اتخرب علينا في العرس
شكرا خواتي على المساعدة