وحد عنده فكره عن مدرسة ساس النخل ف مدينة خليفه أ ؟؟
والسموحه
شوفي الغاليه مدرسة الاتحاد والشويفات والياسمينه وغلينلغ التسجيل فيها فووول بس انتي بعد جربي وشوفي يمكن الله تحصلين مكان وكل مدرسه انتي ذكرتيها احسن من الثانيه وما عليهم كلام
انا بنتي في غلينلغ ما شاء الله عليها شو حلاتها في التعليم احسن من يوم كانت في الإمارات الوطنيه
وعندج مدرسة الباهيه مدرسه من تدخلينها واااايد ترتاحين لأن مديرتهم مواطنه وتحسينها عفويه وتلعب مع اليهال في الساحه وتلاطفهم وانا بنفسي شفت هذا الشي وانصدمت يوم عرفت انها المديره كنت افكرها مدرسه من المدرسات،، منهجهم وزاري الا الانجليزي منهج امريكي
بالنسبه للدوامات انتي الأفضل تتصلين او تروحين لهم وتسالينهم وتشوفين شو الأحسن لولدج، ومن ناحية التواصل يا اختي في هاي المدارس يكون عن طريق الايميل ما بينج وما بين مدرسة الفصل وبعد عن طريق الاجنده اليوميه للطالب
وعندج بعد مدرسة الراحه الدوليه من احسن ما يكون،، تحسينها مدرسه بمواصفات عاليه بما فيها من نوادي داخل وساحات لعب بس دوامهم الين الساعه 3 لأن الطفل يخلص دروسه في المدرسه