مسيكم بالخير
من زمان ما كتبنا شي
عاد كنت افكر في نوع من النساء مظلوم
وهو نوع اعتبره ناجح وله جمهوره
حديثي اليوم عن الزوجة المربربه (vv)
المربربه هي المرأة الممتلئه واللي تملك شي من أهم الاشياء الملفته لنظر كثير من الأزواج
الكل يمدح النحيفه
والكل يتمنى النحيفه
بس لا جينا للجد ترى المربربه شي وفرق كبير عن النحيفه
المربربه فيها عدة مميزات
اولا
خفة الدم
نادرا تلقى مربربه ثقيلة طينه
كلهن ماشاء الله خفة دم وسعة صدر وروح شرحه
ثانيا
طباخه
كثير من ازواج هالوقت
يشتكون من جهل زوجاتهم للطبخ
بس اللي متزوج مربربه ما يشتكي ابد فالمربربه
تعتبر دائما طباخه من الدرجة الاولى
وما فيه سر يخفى عليك وش خلها مربربه
الا حب الطبخ والمطبخ (q47)
ثالثا
أم ناجحة
الأم المربربه تكون دائما اكثر حنانا
ورحمه وتربيه لاطفالها
لذا دائما اولاد المربربات يكونون اكثر بر بوالدتهم عكس اولاد المعصقلات
رابعا
من اليوم ورايح خل شعارك نعم للمربربه ولا للنحيفه
وختاما
تحية لكل ام وكل زوجة مربربه
والمجتمع ظالمكم بنقدكم والتطنز فيكم
بس انتم روح المجتمع ولا يهمكم الكلام
ولكم هالاهداء من قصيده قديمه للسعيد
للزين قالوا من قديمٍ علامات
============ عينٍ ومبسم والجسم والرشاقه
لكن كسر هالقاعده هالمتينات
============ من واقعٍ ما هو كلام وبلاغه
اللي محليهن ولو هن ثقيلات
============ دايم خفاف الدم وفيهن لباقه
الله يا هن يا جماعه لطيفات
============ وعن الكلام الحلو فيهن طلاقه
ما هو ضروري بالرشاقه رشيقات
============ وزود الوزن ما هو بيعني اعاقه
صحيح بعض اللبس يعني اهانات
============ الوزن بالضيق عديم العلاقه
بس مو ضروري يبلسن استرتشات
============ يا زينهن واللبس واسع نطاقه
لا بارك الله فيك يا الضيق بالذات
============ ترى السعه مرات تعطي اناقه
قابلهن الله بلا رجيم ورياضات
============ بأهدي لهن مني من الورد باقه
هن دفء هذا المجتمع هن رقيقات
============ هن ملح هن سكر لذيذٍ مذاقه
منقول
لكن خليني انبهج لنقطه جدا مهمه…وهي ان احنا الحين في عصر الانفتاح…واللي نشوفه في الفضائيات ..نشوفه في الشارع..ونشوفه حتى اثناء العمل…يعني الذوق العام تغير….والرجل ياعزيزتي…مخلوق بصرررررررررررري….يحب الجمال…والرشاقه..ويحب ان زوجته اجمل من هالفنانات اللي طالعين لنا في كل مكان….
اضيف نقطه ثانيه مهمه….خلي الزوج على صوب….المرأه تكون ثقتها بنفسها اكبر…اذا
لقت نفسها تقدر تلبس وتواكب الموضه…وشكلها اصغر من سنها….وتتحرك بخفه ونعومه….يعني اذا الوحده بتصير رشيقه ..لازم تعتبر هالشي مكافأه لنفسها…لأنها تستحق انها تكون أجمل…..
اما المهارات الثانيه فممكن تكتسبها وتصير حرفه..مثل الطبخ..اما الأمومه فهي غريزه في كل أنثى سبحان الله…
واللا شو رايج في كلامي؟؟
يعني تنصحيني ما اسوي رجيم ؟؟؟ .. بس اخاف من الامراض المستقبليه ..
مشكوره عالموضوع
اعلرف ناس اهم شي يبونة بالحرمه انها تكون مربربه
واوافقكن الراي
لكن مش كل ريال تتوافق اذواقه شو رايكن وااااااااااحد من هليه خذ وحده لانها مربره ولا يحبها ولا شي الهم شافها بس مره وحده وخطبها على طول لانه يحب المربربات يعني الاذواق تتغير وعن طااري انه مخلوق بصري هالشي اكيد لانه هو يشبع بالعين .. او يسعد بالاحرى بالعين اما الحريم اللي يسعدهن الاذن والكلمه الطيبه واكييييييييييييييييييييييييييد المديح لو كان اوفر عادي بس اهم شي المدح
خخخخخخخخخخخخخخخخ
شو اسوي ارفع معنوياااااااااااااااااات البنات لكن هذا راي من الاراء مش حقيقه علميه .. وتعرفن الاذواق مختلفه
اختى مربربه
وماشالله عليها خفة دم وحنان لعيالها وعيالنا كلنا الله يحفظها يارررررررب