طريقه هي تسوي يا بخبز جاهز الخبز الإيراني او عجين او عجينة سمبوسة الجاهزة
بس طبعا الاروع العجين
اول شي المقادير
دياي مفور بماي فيه بهارات حب وورق غار وماجي وبعدين تقلينه لين يحمر
(في ناس بس تفور وناس غير تقلي )انتي اختاري
تقدرين تسوين بعد لحم طبعا مفور بالبهارات نفس الشي
بصلتين صغار مقطع بس من فوق على شكل زائد +
بطاط مقطع بالطول
جزرمقطع بالطول
فلفل باردمقطع بالطول
زنجبيل وثوم مدقوقين
نعناع وكزبره وبقدونس مقطعين صغار
فلفل حار (اذا تبين)
عصير طمام 3
صلصله طماطم العلالي 2 او الصغار 4
وبهارات بودره (بزار او كاري و كمون وهيل )
حلبه حب شوي
ليمونه يابسه يا مكسره او مخبوقه شوي
ومكعبين ماجي
وملح حسب الرغبه
والعجين تكونين مسوتنه من قبل
ماي
طحين منخول رقم 2
وشوي ملح
لكل 3 اكواب طحين 1 كوب ماي نفس الكوب
اعجنيهم وايد كثر العجن يخلي المرقوقة (المقطعه) احلى
وكوريهم خليه لين تخلص الصالونه من الفوران
الطريقه
اول شوي تحطين زيت
وتحطين البصل حركيه لين تحسينه استوى بني على اطراف واتنفخ حطي وياه الفلفل الحار اذا تبين
حطي عليه البطاط والجزر والفلفل البارد
وحركيه حتى يستوي لين وعقي حطي زنجبيل وثوم وتمي حركيه عشان مايلصق حطي عليه عصير طماط وخليه شوي ينطبخ وحطي البهارات ليمون اليابس والحلبه والماجي والملح
وحطي البقدونس والكزبره المقطعين
وترسي الماي على كميه العجين خليه لين يغلي وعقب يوم وتبدا تفور افردي كل وحده وحطيها داخل الصالونه مع التحريك عشان تتقطع شوي
وخليه لين تشوفين العجين صار لين
نحن نسوي تنور وانخله داخل يكون احسن عشان تستوي على راحتها وتاخذ كم ساعه
واذا ماعندج تنور حطي بالفرن لين تشوفينه صار زين مع التحريك عن يحترق
لكن اذا مابتسوين العجين قطعي الخبز اللي تبين طبعا مب رقاق يا خبز ايراني او خبز لبناني
وبالهناء والعافيه
https://uaewomen.net/showthread.php?t=171703
يم يم يمييييي هممممم
تسلم ايدج الغاليه شكلها مضبووووووط ميه ميه