المسح

كل اقرأ في المنتدي عن وحدة تمسح بس ابي اعرف شو يعني مسح؟؟؟
و اذا تدلوني على وحدة كويسة بدبي

مشكورين

المسح يساعد ع الحمل .. وبعد لو كان فيه هواء في الرحم او الرحم مائل أو نازل يرفعه

معلش كمان سؤال ؟؟؟ اعذريني

يعني هو عبارة عن مسّاج للبطن ؟؟؟ او شي داخلي ؟؟؟!!!

بالتوفيق ان شاء الله اللي اعرفه مسح البطن بحيث يرد مكان الرحم الى الوضع الصحيح لانه قد يكون تحرك من مكانه فسبب عدم الحمل والله اعلم

لا فديتج مب داخلي .. تيب لج نفس الكاسات وتسويها نفس الحجامه

بس من دون تجريح .. وهالكاسات تشفت المنطقه وتشدها

وعقب تسويلج شرات المساج بالزيت الدافي .. وعاد هن خبره في هالسوالف

أنا بقولج تجربتي الوحيده في المساح وكاسات الهواء

كانت عند (دانة المزيونه) ام سيف .. هي أردنيه وتعاملها راقي وايد

سئلتني كماً سؤال .. ومن خلال الاجوبة عرفت شوه فيني بالضبط..

قالت لي عندي ميلان في الرحم بالاضافة لهواء .. وفعلا بطني من تحت

منتفخ .. بعد كاسات الهواء والمسح حسيت بفرق النفخه تقريباً اختفت

بس أنا مب ملتزمه وياها .. ماصار حمل فالشهر إللي بعده وتكاسلت اروح لها

عاد هي في البريمي بعيييد وانا ساكنه بوظبي .. بس للامانة وايد حريم استمرن وياها

وحملن .. وبعد عندج ام صقر بعد مشهوره وايد في بوظبي ووايد حريم حملن ع ايدهاا

ففي كلا الحالات المسح او الخبانه وايد مفيده للحرمه

الله يجزيكِ الخير و يوفقك يارب مشكورة

الله يجزيكِ الخير يارب و يرزقك الذرية الصالحة و يرزقني معك

انا بدبي ما تعرفي وحدة كويسة بدبي ؟؟

لا والله فديتج .. حدي العين وبوظبي ودانه المزيونه عرفتها عن طريق الانترنت

بس في دبي ماعندي خبره ولا اعرف حد .. بس أم صقر جريبه منكم من الشامخه

ع طريج دبي ..