المشيمه نازله

السلام عليكم ورحمه الله وبركاته انا في الشهر الرابع والمشيمه نازله عندي شويه وخايفه ومن الخوف ارتفع عندي السكر 540 وعقب نزل الحمدلله شو تنصحوني يا حرايم الله يخليكم ساعدوني مب عارفه شو اسوي طلبت العزوه منكم يارب اثبت حملي

ههههه حبيبتي
عادي تستوي
ارتاحي و نامي على ظهرج و ريلج فوق شوية
خلي الدكتورة تعطيج مثبت (ما اتوقع خلتج جي) و ان شاء الله خير

ارتاحي ولا تتحركين وايد

لا تحاتين اختي الله بيسر امورج و الله يثبت حملج يارب

بس ممنوع عليج المشي و الحواطة في الاسواق و الوقوف لمدة طويلة .
خلج دوم منسدحه و رافعه ريولج شوي فوق

انا انفصلت عندي المشيمة جزئيا في حملي بالتوأم و تخيلي 4 شهور و انا bedrest يعني ما اتحرك من السرير الا للضرورة القسوة .(مواعيد الدكاترة – حمام و بس ) و الحمد الله وصلت عيالي لشهر الثامن و ربييت .

دامنه المشيمة نازله الحمد الله الامور بسيطة بس اختي نصيحه يبالج راحه الله يتمم حملج على خير

اختي انا بعد فالرابع قالت لي المشيمه شوي نازله وبترتفه فالخامس ودخلت الخامس الحمدالله وموعد ي الاثنين وان شاء الله مرتفعه. . مثل ما قالوا لج الخوات ارقدي غلى ظهرج و ارفعي ريلج شوي فوق وانا عطتني مثبت ..