انا اليوم نزلتلكم مقليتي مقلية اهل الحجاز يموتون فية جربوووووووها
المقلية بالكرات
اللي مثل اللقيمات و اهل جدة يسمونها مقلية
انا اسويها دايم بالذات في رمضان واتشرفوني في بيتي يابنات
المقادير …
دقيق ابيض و دقيق اسمر
ثوم مهروس حطي 3 او 2 بكيفك
كراث مقطع صغار
خميرة و ملح
شوي موية
الطريقة …
خليها وسط مو خفيفة ولا ثقيلة واذا انخمرت اقليها في زيت مليء وساخن
بس لا تكثرين حبات اللقيمات في الزيت عشان لا تتشرب حطي شوي شوي
و قلبيه كل شوي عشان يصير لونها متساوي
اما طريقة الحمر ( التمر الهندي) …
حطي الحمر في قدر
قطي فصين ثوم او 3 حلقات
وشوي موية تقريبا ربع الكاس موية اذا تبغين تخففينة بكيفك بس انا احبة ثقيل
وخلية يغلي اذا غلى وطي النار علية علشان يثقل
وبعدها حطي علية فلفل اسود و كمون مطحونة
الكمون لازم تكثري لانو هو اللي يحلية
على فكر ة يابنااات انا احيانا مااحط ثووووم واحط البهارات كاري قليل ما اكتر اواحط مكعب ماجي وملح وخميره وبس
.