المكياج والحمل .

مرحبا..

انا الحين في بدايه الحمل والحمد الله سؤالي هل المكياج يؤ ثر على الحامل من فيكم الله يخليكم ردو على لانه سمعت انه الجحال يؤثر ونفس الشي الارواج.

سؤالي الثاني اشعه التلفزيون والكمبيوتر مافي خطر على الجنين..

يزاكم الله خير..

الله يثبت حملج يارب… اول مره اسمع انه المكياج ياثر … وعن التلفزيون والكمبيوتر ما ظني بس اسالي دكتورتج احسن

مشكوره حبيبتي ع الرد اتريا ردود خواتي الباجيات

ياختي مايخصه أنا كنت اتمكيج عادي ماياثر وايلس على اللاب والايباد واصلا التلفونات فيها أشعه لااثر ولا شي
الله حافظ الي في بطونا الحمدالله
لاتوسوسين وايد وتوكلي على الله
الشي لازاد عن حده ينقلب ضده كل شي بحدود المعقول
الله يتمم حملج على خير

عادي فديتج واايد إجوف بنات حوامل يتمكيجن فالأعراس وماعليهم شر تبارك الله أول مرة أسمع فمعلومتج أحسها يديدة علي
أما الأشعة يقولو خطر ?ن?ـMEـٌَِ?َِ فكل شهر مرة أتطمن للبيبي وأسوي الأشعة وربج خير حافظ

ما يخصه ابداً
واللاب والتي في مافيهن اشعه
بس حاولي ما تقربين اللاب على بطنج لان الحراره مب زينه للبيبي

الواحد يتوكل على الله ولا يتم يوسوس
الله يتمم لج حبيبتي على خير

لا اختي المكياج لا ياثر ولا له خص كل العالم يتمكيجووون وحوامل وكرشتهم جدامهم عادي جدا

تخيلي يعني وحده طول فترة حمالها لا تتعدل ولا تتمكيج