النسيان نعمه
بس وينها عني
هو الحين راح..هو فارقني خلاص..شو الفايدة اصيح؟؟ شو الفايده ..ليش جي بيرد؟
خلاص راح حسه عن هالدنيا خلااااااص خلااااااااااااااااااااص
يارب ساعدني..كيف بعيش بدونه .. خلاني بروحي في هالدنيا…ليش ليش ايموت
ليش ؟؟ ليش الحين يوم رد لي يطلع وما يرجع ليش؟؟
ليش انا هنيه وهو تحت التراب
الموت حق ..اعرف ونعم بالله هذا قضاءة وقدره
راح الغالي الله يرحمه ..ماتجوز عليه غير الرحمه
اتعوذ من الشيطان وادعي له واترحم عليه
بس قلبي يعورني
مرات اتمنى لو الايام بس ترد ورا ومااخليه يطلع واخليه في حضني
واتعوذ من الشيطان واقول اللي افكر فيه حرام وما يجوز
اشتاق له..لابتسامته لبحه صوته لنظره عينه لريحته لصراخه
يا ترى بلتقي وياه في الآخرة ؟ الله بيجمعني وياه مره ثانيه؟؟
يمكن
انشاالله
يارب اجمعني وياه في جناتك..اللهم آمين
ماعرف شويالسه اكتب ولا شو اخربط فيه غصه مالقيت حد اكلمه هالوقت قلت ادخل المنتدى واكتب
مابا شي غير تترحمون عليه وتقولون لي كيف انسى كيف ارد اعيش حياتي نفس اول كيف اقدر اربي ولدي دونه كيف وكيف وكيف
رحمتك يارب
الموت كل يوم ياخذ عنا غالي والاحزان تتراكم في القلب
بس لا اعتراض على حكم رب العالمين
كل ما حسيتي بالحزن والحسرة مالج الا قراءه القرأن لانها بتزيد ايمانج وصبرج على المصيبه
الله يكون في عونج
صبـاح معطـر بذكـر الله…
ياقلبي يا ام ثاني..
اجذب عليج اذا قلت لـج ما تأثـرت..
وربـي تأثرت…
الله يرحمه ويغفر عنه ويبدل سيئاته حسنات
عزيزتي…
اكيد بتنسين مع الايـام…لاتيأسين ولاتحزنين
لا الحزن بيرده ولا الانعزال…
ادعيله بالرحمه…واتصدقيله…
رطبي لسانج دووم دووم بذكر الله
والاستغفار ركن اساسي من اركان راحة البال والطمأنينه..
اشغلي وقتج بشي غير طاريه
انتي تجلبين لنفسج الحزن بدون شعور…
الوقوف على الاطلال ابـد مايرجع اللي راح..
خـاصه اذا كانت الروحه هالمره ( بلا رده) 
والله انج عورتي قلبي
وحطيت روحي مكانج
بس الواحد شيقول
غير الحمدلله على كل شيء
ومافي أحلى من الصبر
وياربي صبرنا على فراق اللي نحبهم
اختي ان الله اذا احب العبد ابتلاه .. و هذا نوع من الابتلاء .. فاصبري و احتسبي .. و مثل ما قالت الاخت .. اقري قرآن عشان ربي يطمن قلبج .. و اتصدقي عنه عشان ربي يرحمه و ايسهل عليه حياته الثانيه .. و صدقيني كل شي ربي يكتبه الله للمسلم خير .. عشان جيه اتعوذي من بليس اللي مستغل ضعفج و حزنج و يبى يبعدج عن ربج ..
و الله يعينج و يصبرج
بس الصبر اجره كبير عن رب العالمين
ليش تبين تنسينه لا تنسينه تذكريه دايم وادعيله بالرحمه
متأكده ان يتريا دعواتج له .. تصدقي عنه اقري عنه القرآن
ادعيله في كل وقت وصدقيني اذا الجنه نصيبكم بتلتقون فيها
والحين عندج ولدج داريه وربيه احسن تربيه وتخيلي انه وياج ويطالعج
لا تقصرين في حقه وحق ولده حتى عقب فرقاه
والله الوحده منا لو تعرف متى كل غالي بيروح عنها جان ما كان الحال شرات الحال
بس اللي مكتوب ع الجبين لا تشوفه العين
الله يرحمه ويغمد روحه الجنه ويرزقج الصبر ويعوضج خير ويقويج يارب
تقربي من رب العالمين اكثر واهو كفيل انه يفرج همج
استغفري الله في كل حين
انا لله وانا اليه راجعون
الموت كل يوم ياخذ عنا غالي والاحزان تتراكم في القلب
بس لا اعتراض على حكم رب العالمين
كل ما حسيتي بالحزن والحسرة مالج الا قراءه القرأن لانها بتزيد ايمانج وصبرج على المصيبه
الله يكون في عونج