اليوم كان موعدي مع مستشفى الكورنيش

حبيت اقولكم سالفتي اليوم مع مستشفى الكورنيش

الصراحه واااايـــد ارفعوا ضغطي

انا من قبل العيد ماعطيني موعد حق اليوم الاحــــــــــد 18 – 1

قبل العيد انا ماكنت حامل بس تحاليل كان موعدي

وعطووني الاحــــد 18 -1 موعدي الثاني

والله كتب اني حملت

طبعا ماسويت تحليل دم ، بس تحليل الله يكرمكم (( البول )) تحليل الصيدليه

وقلت ماباروح احلل لين موعدي لان مابقى شي اسبوع تقريبا

يوم دخلت عالدكتوره على موعدي قلت لها ان الدوره ماياتني

وقلت لها اني ماسويت تحليل دم بس تحيليل الصيديليه

يعني بالعربي الدكتوره من يقولون لها هالكلام على طول بتحول المريضه

عالمختبر عشان تحليل الدم عشان تتأكد اذا في حمل او لا

عطتني ورقتين يعني تحليلن حق دم (( ركـــــزوا معااااي ))

+ ورقه تلفزيون (( SCAN )) وانا رحت وخلصت كل شي

وعقب دخلوني على دكتوره ثانيه لان الاولى مادري وين راحت

دخلوني عالدكتوره الثانيه اتقولي : (( انتي مب حامل ))

انا انصدمت متأكده اني حامل لان الدوره تأخرت ، وجبدي لايعه ، صدري يعورني ، وتحيليل الصيدليه الدليل

واتراويني عالكمبيوتر اتقولي شووفي (( ناجتيف سالب )) يعني مب حامل

وانا الحمدلله اعرف انجليزي واقرى البيانات عالكمبيوتر والله ماقص عليكم

مكتوب شهر 7 قلت بل هاااي قديييييييييييييييم

قلت لها شوفي التاريخ شهر 7

قالت لي سوري سوري اتقولي بس مافي ورقه في ملفج الدكتوره ماكاتبة لج شي

اشلون الدكتوره ماكاتبه شي ؟؟؟؟؟

احس يقصووون علي ، الدكتوره جدامي كانت تكتب في ملفي

معقوله شلت الورقة اللي في الملف ؟؟؟؟؟؟ او يمكن لانها اتخاف ؟؟؟؟؟

شسالفه والله يننوووني اليوووم

وعقب قلت لها ماخذين مني دم غرشتين تحاليل شنو هاي ؟؟؟؟

قالت لي هاي مش اختبار للحمل لاااااااااا

هاي تحاليل ضد الاجسام المضاده ومادري اشخربطت

قالت لي الغلط من الدكتوره الاولى المفروض اتسويلج تحيليل للحمل عشان نتأكد انج حامل

وقلت لها شنو نتيجة (( التلفزيون )) قالت لي مايبن شي

بس بطانة الرحم منتفخه عندج

اقولها طبيعي يعني ولا شنو ؟؟

اتقولي يمكن حامل بس مايبين شي

قالت لازم اتسوين تحليل دم للحمل عشان تتأكدين

طبعا عطتني موعد بكره الساعه 2 العصر عشان اشوف النتيجه اذا حامل ولا لا

قالت اذا حامل تفتحين لج ملف يديد

يعني انا ابي اعرف ليش كل هالسالفه انا والله العظيم ماقص عليكم من الساعه 9 الصبح

لين الساعه 3 العصر عندهم

وكل هاي مااستفدت شي

يعني لازم اروح لهم بكره عشان اتأكد اذا حامل ولا لا

شنو هالسالفه

يعني احنا في قطر واااااااااايـــــد امريحينا دكتوره وحده قطريه اتعالجج طوول فترة حملج

ولين ماتربين والله العظيم واايد احسن وحده اتعرف اشفيج واشمافيج وماينقعد ننتظر وااايد

بس اني انتقل من دكتوره لين دكتوره هاذي اكتبت وهاي ماكتبت واللي ماتعرف شنو فيج

والله يننووونــي لا والمصيبه اتعرفون الدكتوره الثانيه اشقالت لي ؟؟؟؟

تاريخ كم ربيتي ؟؟؟

في ذمتكم هاي سؤال ماتشوف الحين ملفي

انا ماعندي يهال ومكتوب في الملف اجهاض مرتين

بللللللللللللليز بلييييييييييييز بنات اذا اتعرفون مستشفيات اتراجعون فيها اتشوفونها اووكــي

اكتبولي اسماء المستشفيات واتكون دكتوره زينه وماتنتقلين من دكتوره لين دكتوره

بنات منو ربت في مستشفى النور الي في المرور ؟؟؟؟؟

وكم اسعارها ؟؟؟ واشلون خدمتهم زينه ولا لا ؟؟؟