امي المسكينه

السلام على الجميع

أمي حبيبتي غامضتني والسبب ان اخوي اللي كان وايد حبوب ويا
الكل تغير من عرس ،، انزين بقول عادي لكن وصل الحال انه بدأ
يعق كلام يعور على أمي ويطول لسانه ، تخيلوا هي وياهم في نفس البيت
ولا تطلع تسلم على عمتها وتمر شهور بس يالسه داخل ومندسه اونها تعبانه
من الحمل ، لكن تروم تسير الأعراس وتتحوط في المولات ،،
وأمي حليلها حاطه سواقه تنفعها لأن ابويه متوفي ، وحضرت حرمة أخوي شو تسوي تاخذ السياره والسواقه وتطلع وتمر على بنت خالتها ويتمشن
في الأسواق على كيفهن والسياره سيارة امي واخواني الصغار ، ويوم امي عرفت وقالت حق اخوي عصب وقال عادي خل تطلع هي وبنت خالتها !!

وه شو هالرد بدال ما يقول إن شاء الله الوالده اللي تبينه بيستوي ،
والله وايد يخاف منها ……
شو رايكم أتدخل واوقفها عند حدها عشان خاطر امي ولا أشو أسوي
قلبي محترق منها ، ما أبا أشوف أمي منقهره الله يقهر اللي يقهرها ..

اختي احس لاتدخلين وتبين العوار لعمرج بس اذا وايد مغتثه كلمي اخوج بينج وبينه

معليش اختي هدي بالك الموقف مو خطير لهذه الدرجة
المهم لو لقيتوها تمادت في افعالها خلي اخوك يشتري لنفسه سيارة وما تمس سيارة امك مرة تانية
واقولك نصيحة يا اختي لو هيا هيك طبعها خلوها في حالها ترا في بعض الكناين ما يتاقلموا بسرعة ويا اهل الزوج
صدقيني لأن الجو بيكون جديد عليها ولما تولد حتتغير باذن الله

شوفي عيني انا بعطيج الحل المناسب سيري ويبلها عصا وخبطيها خباط لين ما تقول بس توبه

خلي الغاليه عنج هيك وهيك تبلها بروش وتخبطها جان يبالها خباط ببروش

حتى انا غمضتني امج واخوج بعد غلطان

وحرمة اخوج غلطانه يعني تقدر تشاور قبل لا تطلع انها بتاخذ الدروليه واكيد امج ما بتقولها شي ولا بتعارض بس اول تشوف لانه ما اظن انه ريلها الي حاط الدريولية وخبرو الدريوليه اذا بتطلع تخبر امج اتقولها مدام عادي اسير اونه انه امج مره دورتها وما حصلتها وحرجت عليها بس ما تقولها انها حرجت ليش ودتها بس اونه حرجت ليش طلعت من دون لا تخبرها ((بس اصدقين احس امج مسكينه ما تقول شي وايد طيبه)

واحسن شي ترمسين اخوج وبهداوه لانه ممكن تحقد عليج وعقب تقوله والله شوف اهلك ما يحبوني وما يداونوني ولا يبوني اطلع بس يبوني ايلس في البيت قوليله احنا عادي بنخليها تسير وترد لانها حرمتك وما لنا شور دامك راضي احنا ما يخصنا بس الدريوليه لازم تخبرنا لانه احنا ما عدنا حد يودينا ويردنا واميه وايد تحبها بس تباها تنزل وتسولف وياها بالعكس اذا اتحرا انه اميهما ادانيه هيه غلطانه اميه دووم تمدحها وتحبها عشان جه اختارتها من بد كل البنات

اختي مافهمت كلامك شو قصدك