لما قررت انقطع النت فبيتنـا وتراجعت
لكني وفي داخلي ابا اقول واتكلم ومن نفس النك لا بغيره ولا باخذ نك حد والي فيها فيها
بخبركم السالفه وعقبها الاكتشـاف
لما خطبني واحد من شهوور ( من عايلة معروفة ) ’ عقب ماجافني فدوامي تركني وراح بليا اسباب مع ان خلاص كان كل شي بيستوي
ريال جدا محترم وماتوقع في بنت بتعرفه ومابتنعجب فيه
ولا نعرف وين داره وشو استوابه صح اني زعلت لكني تعودت ع كثر الي ايوني ومايستوي بينا نصيب
عقب فترة رجعلي الدوام ، انصدمت ولا قلتله اي شي ، يقولي انا ملجت على وحده عقب ما الوالدة رفضتج اونه مغصوب
لكنه يباني وقالي وقسم بالله داشه خاطري لكن عندنا النسب لازم مايظهر برا يعني من القرايب او المعارف انا يمكن اطول عليج
لكني راجع انا بخذها وعقب سنه بيي بخذج انا صارحتها لكن استوى بينا مشاكل واستغلت اصرار اهلي عليها وعاندت
لكني باخذج يعني باخذج وعرسه بيكون فالشهر الفلاني ( عرسهم جريب عقب كم شهر ع فكرة )
والحين مرت شهور ولا اعرف شي واذ ياني واحد مستحيل اترياه وبتوكل ع الله
اكتشفت ان حرمته هنيه فالموقع ومنزله كذا موضوع مشاكل بينه وبينها عن حب ثاني وعن مقرر يتزوج عليها عقب كذا وكذا وااساسا يموتون ف بعض ……. ألـخ
وسبحان الله من ايام اقول لربيعتيه فالموقع
احس سوالف هالبنت ترمس عن موقف ف حياتي
قالت أعرفها هذي فلانه ريلها فلان ،’ قلت لالا تشابه اسماء لا اكثر اكييد
لكنها تؤكدت لي بمعرفتها
وطلعت صدق هي
لا وانا ارد ع مواضيعها بعد ولا عارفة شو السالفه
قعدنا ناخذ ونعطي انا وربيعتيه وحطينا كل الاحتمالات
1- هي جذابه وتبا تسوي جو لعمرها انهم يحبون بعض
2- هو جذاب ويبا يتزوج كذا مره وتعلث بسالفة اجبار اهله
وكثييييييييييرررر من الاحتمالات لين ماصكينا الموضوع
اقول ها ماعنده شخصية ومرات اقول مسكين مجبور وهو اساسا مطلق الاولى عقب ماملج على الـثانيه
( اجهل اسباب طلاقه الاول مع اني سمعت عنها من ربيعتي ومابصدق او بجذب عشان لاحط ف ذمتيه )
عموما / انا اسفة يالعضوة الفلانيه لو كنت سبب في مشاكلج لو ريلج بالفعل نواياه مجهولة
واذ كان العكس
تراج خليتيني علج في حلوج الي يسوى والي مايسوى غير الدعاوي الي علي وانا مالي ذنب وان ساحرتنه
ولا اواعده او العب عليه ……… ألخ
ووصفتيني أنا وهلي بأوصاف تخجل
وللعلم انا مابيني وبينه اي وسيلة اتصال
ولما يا يخطبني هو بنفسه تعنالي لين هلي
وخلاني جني معلقه عقب ماعطاهم كلمة ومارجع فيها
وهلي اصلا مايعرفون غير انه مطلق وهو اساسا ملج ع الـ2 خلاص
ولو عرفوا جان طبوه من زمـان
لكن هلي ناس اجواد ويعرفون السنه وربهم , مب قادرين يخونون فيه اذ ياني غيره
لان خذوا من بعض كلام رياييل .. وقالوا عيب ننشد ع الريال وينه عقب هالكلام
وكل ماياني واحد قربوبه وماردوه لانها مب من سنة العرب
لكنهم يذكرون ريلج من عقبها ومايرظونها عليه
الله يسامحج عسى و يسهل عليج عرسج ويتمم عليكم بالخير =)
بس حطي ف بالج ان الدنيا دوارة وحقي عند الله مابيضيع
فرقبتج انتي او فرقبة ريلج . لان انتوا الـ 2 بالنسبة لي ظلمتوني
والله ثم والله ثم والله عندي احساس قوي ومابخيب انكم مابتتوفقون رباعه ولو بعد دهر
والايام بتثبت لكم لان مرت ع هالسالفه سنة وللحين تتشكين منه
ومن عرفت ها كله , ف ركوعي وسجودي و ف نهاري وليلي ادعي ان الله ياخذ حقي ..
ولحد يقول هي ضحية حالها من حالج
انا ماقلت كل التفاصيل ولا بقولهـا لكن الله يجعل ف كل شي سبب
وتكتشفون حقايق بطريقة مايعلم بها او يمهدها غير الله
وماتدرين يمكن بقدرة قادر يرجع ياخذني وهلي رغم زواجه يوافقون عليه
او حتى ياخذ وحده ثانيه مب شرط أنـا
ساعتها بتعيشين مثل ماعاشت طليقته ومثل ماعشت انا بسببج ..
سبحان الله كيف الدنيا صغيره !
دعوة المظلوم مستجابه فديتج
سواء هو كان يجذب و ظالمنج
او هي اللي تجذب
الله يرزقج باللي يستاهلج و احسن عنه بمليون مره
بالعكس استانسي
بتحصلين اجر
وكفاية انج مظلومة يعني اجر اجر من وراها بتحصليين
الله يهديهااا
كل ما صار شيء قالو سحرر
ربي يرزقج بالزوج الصآلح