انا اسألكم عن كمن شي اذا يضر في اول شهور الحمل ولا؟؟

السلام عليكم ورحمه الله وبركاته

انا اسألكم عن كمن شي .. اذا يضر في اول شهور الحمل ولا؟؟

العسل

الرطب

عصير التفاح ..

الحب الاصفر المصري

الموز ..

مممم احس هالاشياء عاديه ما تأثر

بس اذا في حد مجرب وأثر فيه بيفيدونا الصراحه

الي اعرفه
الرطب والعسل مب زين اذا كثرتي اكله
انا اكلة بس بقليل ما اكثر ومو لازم كل يوم
وعصير التفاح العرفة يثبت الحمل بس ما شربتة
الحب والموز ما اعرف

أشياء عادية ما تضر

انا جربت كل شي يوم كنت حامل خخخخخخخ بس لا تكثرين من الحلو وايد عسب السكر لا يزيد عندج …

الله يثبت حملج انشالله

هلا اختي
انتي لاتوسوسين وتوكلي على الله
اصلا اي شيء تكثرين منه بيصير بالأخير مضر لج ولصحتج
حتى لو ماكنتي حامل

أهم شيء يالغالية تتوتكلين على الله
واكلي اللي تبينه بس لاتكثرين
وإن شاء الله مابيضر

وانتي اذا تبين تتطمنين اذا رحتي حق الدكتورة سأليها من باب الإحتياط

المووووز عادي انا كنت لازم اتريق موزتين من اللوعه والدكتوره قالت لي اوكي في وايد مواد مغذيه اما الباجي ما ادري والله يسهل عليج يارب