انا خلاص انتهيت والسبه هالعيال عندي ولد عمره سنتين و9 شهور وبنتي عمرها سنه وثمان شهور
و اغلب الاوقات في قسمنا قاعدين وهو بس غرفه وصاله وعيالي الله يهديهم مامخلين شي في الغرفه الاكسروه وكله يتظاربون وصريخ وحته ابوهم صار مايقدر يقعد في البيت وانا قامت تيني حالات اكتئاب فخاطري اصارخ بدون سبب ومب عارفه شو اسوي والحين عاد بدى الشتا وما اقدر اخليهم يلعبون برا عن الامراض والبرد والغبار اذا عنكن خواتي افكار او اي شي يساعدني اني اهديهم شوي وخبروني شو الالعاب اللي تخلي الياهل مايتحرك
الاولاد بيملو كل 10 دقائق
لا يستطيعون الثبات فترة طويلة
الحل تسوي اقسام فى الغرفة
قسم مكعبات
وقسم يشاهدون الكارتون
وقسم يجب ان يفرغو طاقتهم الحركية يركبون سيكل او يركضون او تيبين نطاطة لهم
وقسم خليهم يلغعبون بلصلصال او عجينة الملح
أنا أحيانا تيني حالات أكتئاب و أكون عصبيه بشكل فضيع من العيال وما أتحمل أي كلمه من أبوهم
لكن هذيل أطفال من حقهم يكون عندهم مساحه كافيه للعب و التعبير عن مشاعرهم
بعطيج بعض الأفكار ممكن تساعدج
أولا لازم تقسمين وقتج معاهم وتنوعين لهم بالأعاب و الأنشطه
مثلا في الصيف كنت أحط لهم حوض في الحوش واخليهم يسبحون شوي بس بإشراف شخص كبير أو الشغاله تكون عندهم
وتخصصين وقت تقرين لهم قصه أو تعطينهم كتب تعليميه فيها صور حيوانات والألوان تعلمينهم شوي
وقت تعطينهم أوراق رسم كبيره وألوان مائيه تخلينهم يرسمون ويشخبطون على راحتهم بس بإشرافج طبعا وبعد ما يخلصون ترفعين عنهم الألوان
وقت تقعدين معاهم تلعبينهم في التراكيب
تخلينهم يلعبون كره شوي ولازم تخلينهم يلعبون بره بالسياكل شوي صح الجو بارد بس تقدرين دفينهم بجاكيتات وتغطين أذونهم بكبوسات صوفيه
وأنا ناويه بعد أحط لهم زحلاقيات و نطاطيه بالسبرنجات لو تعرفينها اللي لونها أزرق ولها حواجز لأن اليهال صراحه وايد حركين و أحنا لازم نفجر طاقتهم باللعب لأنهم لو ما حصلو شي يلعبون فيه أكيد بيلعبون بأعصابنا
و أنتي قلتي أنكم طول الوقت قاعدين بقسمكم حرام ترا اليهال وااايد يتضايقون من صغر المساحه
وقلتي تخافين تخلينهم يلعبون برا
أنا أقول أنج غلطانه في هذي النقطه يعني دفيهم وخليهم يوصحون عمرهم وبعدها سبحه دافيه حلوه دخوهم وينامون بعدها
وبعد لازم اطلعونهم من البيت اتمشونهم اشوي يوم على البحر ويوم تودونهم الجمعيه ايساعدونكم في التسوق خصوصا الكبير
أنا ولدي الكبير أعطيه سله و أخليه يتمشى على راحته بس هو يخاف يبتعد عنا ويحس أن هو كبير يعتمد على نفسه
ويوم تودونهم الحديقه و يوم عند أهلج إذا كنتو قراب منهم
يعني لازم يكون في طلعات خاصه لهم و يوم تودونهم الألعاب
وإذا كانو بعد فاضين وملانين حطيلهم برامج أطفال بالديفيدي مثل بارني أو التليتابيز صراحه هذي البرامج حلوه وتناسب الأطفال بهذا السن وفعلا تجذبهم وتخليهم قاعدين بمكان واحد لو لوقت قصير أو أي برانامج ثاني من أحتيارج
وعندي لج نقطه مهمه بتفيدج وااايد وبتهدي أعصابج
لازم تاخذينلج كتاب عن التعامل مع الأطفال أنا خذت كتاب أسمه أطفال سعداء تحدي للآباء
هذا كل اللي عندي أتمنى أني أكون أفدتج لو بشي بسيط