بنات انا ولدي عمره شهرين ورضعته من صدري تقريبا ثلاث اسابيع وتمت صدري يتقطع وتعبت نفسيا ماطاع يصح قلت بشربه حليب قواطي شوي لين مايصح صدري وبرجع ارضعه من صدري ويوم شفت صدري تحسن شوي رجعت اريد ارضعه ماطاع قعد يصيييييييييييييييح مايطيع يمص صدري مافيه لبن وايد ويريد بس من المرضعه وحاولت معاه كمن سبوع علا هالحال كله يفحم مايبا من صدري يبا مرضعه وصدري موووول مايسوي لبن واحين خلاص فطمته وهوه احين عمره شهرين وصدري بند مايطلع لبن… واعطيه حليب اسمه (ابتاميل كومفورت) ومادري بشوه تنصحني انا والله خايفه علا صحته الكل يهزبني يوم يدرون اني اعطيه قواطي بس شسوي انتو تدرون بالحال…….
………..
الله يعينج الغلا
المفروض كنتي ادخلين الحلمه كلها (يعني تقريبا معظم الاسود ) ف ثمه عشان ما يسببلج التجرج
انا حماتي عطتني هالنصيحه والحمد الله ابدا ما تقطع الا لما يعض بس كان لازم اتصبرين لانج لازم اتعبين شوي
عيل كيف الجنه تحت اقدام الامهات00000
وصراحه الحين ما ادري بس روحي العياده وسالي الكتوره هل في امل يرجع الحليب فصدرج؟؟
والسموحه الغلا00000
ااختي حاولي ترضيعينه مره ثانيه وتحاولين يرضع الين يرضع ويترك الصناعي,, وكل ما رضعتي كل ما جاه اكثر حليب وانت سويتي حليب,,
حاولي ترضعينه يعني لا تعطينه المرضاعه ابد طول اليوم بيتم يصيح حاولي ترضعينه وبيمسك الصدر
وبعدين عسب التشققات عندج زيده الفستق ادهنيها ع صدرج وبتلقينها عند البيبي شوب وحتى باي صدليه وينفع حق الاكل يعني لا تخافين ع النونو يقدر ياكلها
أنا كانت تصير لي تشققات بس مول ما وقفت الرضاعة مع إن الألم يذبحني بس كله عشان الياهل يرضع طبيعي والحمدالله على كل حال لو إنج استحملتي الألم ورضعتيه كان ارتحتي الحين بس حاولي ترضعينه وابعدي عنه المرضعه وإن شاء الله برد الحليب بصدرج……الله ييسر لج أمورج
المشكله لورديت ارضعه قالو ليه ان الحليب اخترب وانا اشوفه انه استوا غليظ ومب زين له… مر شهر ونص مارضعته …… بس انا ابا اعرف شو اعطيه حليب لاني اعطيه حليب(ابتاميل كومفورت) وهوه تعود علا هالحليب وبدون ماسال الدكتوره ….. لان يوم سالتها هاذاك اليوم هدت عليه وقالتلي خليه يمص من صدرج وانا احاول افهمها ان البيبي مايطيع يمص صدري خلاص نسا كيف يمصون الصدر ومافيه حليب واباها تخبرني عن الحليب الي يناسبه ماطاعت قالت حاولي ترضعينه … وانا سرت وخذت حليب اي حليب وعطيته …