ربيعتي في حيره من أمرهـا وحابه تاخذ رايكم …
بقولكم الموضوع باختصاااااار
ربيعتي تحب ولد ييرانهم وهو بعد نفس الشـي يحبهاااا… ويوم قال لامـه انا ابا فلانه بنت فلان الفلاني قالت له والنعم بس انا ماابااك تاخذ الا بنت اختي !! وحاااول وياها 4 شهور او أكثر والام هب راضيـه انه ولدها ياخذ حد غير بنت اختها …؟؟
قال لربيعتي … انا بوافق وبعرس بنت خالتي بس عقب باخذج حرمه ثانيه عاد عقب أمايه مالها شور دامني خذت بنت اختها !!! انصدمت البنيه من الموقف بكبره وقالت له الله يوفقك ولا تطلع من شور امك ومن هالكلام.. !!
الحين الريال عرس من 4 أو خمس شهور.. وعمره ماقطع علاقته مع ربيعتي حتى في ليله زواجه ..
والبارحه قالها انا وعدتج اني آخذج حرمه ثانيه وناوي عقب العيد أي واخطبج !!
وربيعتي تحبــــه وماتبا تخسره بس خايفه اهلها مايوافقون انها تاخذ واحد متزوج .. وهيه بعد مب قادره تاخذه وهو معرس وهي تدري انه مايحب حرمته لانه طلب من امه .. !!
صلت الاستخـاااره ومايطلع وياها اي شي بس تنش عادي ومرتاحه وتستانس يوم تكلمه !!
شووو رايكم يابنات ؟؟ وكل وحده تحط نفسها في الموقف وتخبرنا رايهاااا
وبلييييييييييييييييز ابا ردوود تريح البنت ماله داعي التجرييييييييييح
هم ثلاثتهم مظلووووووووميييين !!
(( ابووو الولد متوفـــي وهو ولدها الوحيد وعنده 4 بنــاااات ) واكيـد شووووور امــه بيسويه لانه امه مب حرمه صغييييييره راعيه ضغط وسكر ) وهالكلام زده لانكم جرحتوا رجوله الريال وربيعتي
تفتح باب يتقدم لها…بدون ما يكون امبينهم تلفون وخرابيطه
لازم تحافظ على سمعتها وهيبتها…ويتقدم لها
وافقو اهلها كان بها …ما وافقوا كل واحد يروح في دربه
والزوجه الاولى الله يعينها…ما احب زواج الأقارب أبداً لأنه فيه ظلم لواحد من الطرفين
ترى ما شي أفضل من انها تقطع التلفون وخرابيطه
على الأقل بترتاح ولا بتهين كرامتها..
خلها تقوله كلم حرمتك الاولى واسألها وخذ شورها واذنها واذا وافقت عقب تعال
الاولى ما كانت تعرف انه مايحبها وهو ما وصللها هالمعلومة من اول عشان تغيير رايها فيه وترفضه.. والحين مالها ذنب..
لاتستعجل لان اهلها واهله يمكن يوقفون في الويه..ولازم ياخذ راي الاولى بعد
المشاركة الأصلية كتبت بواسطة نبضة أمل 
تفتح باب يتقدم لها…بدون ما يكون امبينهم تلفون وخرابيطه
لازم تحافظ على سمعتها وهيبتها…ويتقدم لها
وافقو اهلها كان بها …ما وافقوا كل واحد يروح في دربه
والزوجه الاولى الله يعينها…ما احب زواج الأقارب أبداً لأنه فيه ظلم لواحد من الطرفين
ترى ما شي أفضل من انها تقطع التلفون وخرابيطه
على الأقل بترتاح ولا بتهين كرامتها..
حاولت واايد انها تودره بس ماقدرت حب من ايام ماكانوا صغااار !!
والله مادري شو اقولج ..!! الله يعين
المشاركة الأصلية كتبت بواسطة zooz1 خلها تقوله كلم حرمتك الاولى واسألها وخذ شورها واذنها واذا وافقت عقب تعال
الاولى ما كانت تعرف انه مايحبها وهو ما وصللها هالمعلومة من اول عشان تغيير رايها فيه وترفضه.. والحين مالها ذنب..
لاتستعجل لان اهلها واهله يمكن يوقفون في الويه..ولازم ياخذ راي الاولى بعد
وهي بعد مالها اي ذنب ..؟ حبته وحبها .!.!
ثلاثتهم مظلوميييين !!
والله هو يقولها لو كل حد وقف بويها بياخذها بياخذها.. قبل ماكان يبا يزعل امه لانه راعيه ضغط وسكر.
والله مادري شو اقول غير الله يعيين
والبنت بعد عنبو استحي لليلت عرسه
عيييييييييييييييييييييييييييييييب والله عيب