انصـــــدمت اليوم والسبب هرمون الحليب

انا اليوووووووم سرت سويت تحليل هرمون حليب وطلع انه مرتفع والطبيعي 5-30 وطلع عندي 40.1 و طلع تكيس ف المبيض وطتبت لي جلوكوفاج و DOSTINEX ف ما اعرف بشو تنصحوني اشرب الدواء ولا لا

حبيبتي عن تجربة الكلوكوفاااج وااايد زين للتكيس راح يتعبك في اول ايام بس خلاص بتتعودين عليه وراح يفيدك
والدستنكس علاج فعاال لهرمون الحليب انا هرمون الحليب كان واصل 63 وانخفض مع الدستنيكس وبعد ما وقفت الدستنكس صرت اشرب البردقوش (جيبيه من العطار وخذي خاشوقة صغيرة وصبي عليها ماااي حاار في كاس وغطيه وخليه يصير فاتر واشربيه مرتين في اليوم
والله يشفيكي ويعافيكي اختي ^_^

سبحان الله توني مرمسه ربيعتي تييب لي المردقوس بس اختي متى اشربه بعد الدوره

الغالية ما في وقت محدد انا اشربه في اي وقت يعني طووول الشهر ينظم الهرمونات

سلامات حبيبتي
انا اسمع كثير عن ارتفاع هرمون الحليب
ما تخافي
لانه الحالة النفسية تلعب دور كبير
علشان هالشيء
حاولي تزوري طبيبة ثانية وتسمعي اكثر من رأي اذا كنت خايفة تبدأي العلاج
وانا اعرف انه الميرامية
" عشبة رائعة "
اذا تعرفين حد فلسطيني يجيب لك هالعشبة تنشرب مع الشاي بصراحة روعة
وان شاء الله العلاج يكون على رب العالمين

ان شاء الله بشرب الدواء وقالت لين الأسبوع الياي لو ما نزلت الدوره سوي تحليل حمل

يارب نسمع انج حامل حبيبتي
والله يشفيج يارب