والله ماعرف كيف أبدا بالمووضوع.. بس من فترة ريلي سوى الفحص .. وامس طلعت النتيجه وخبرونا انه ريلي طلع عنده ضعف بالحيوانات المنوية.. يعني عددهم مليون وخمسمية تقريبا.. والطبيعي 20 مليون واكثر.. وحركتهم 0% .. وقالو ما عندكم امل او علاج الا باطفال الانابيب.. واحنا سرنا عيادة الدكتور فقيه اللي في جميرا.. والدكتور فقيه معروف في مستشفى الامارات في بوظبي انه بروفسور واختصاصي اطفال انابيب.. ويقولنا انه بناته الثنتين يابهم بالانابيب.. و تعامل مع 10 الاف حاله طفل انبوب.. المهم.. قالنا حاولو تعجلون هالسنة.. لانه ممكن عالسنة اليايه احتمال كبير ما يكون عند ريلي ولا حيوان منوي.. يعني بينعدم كل شي.. بعده في امل لين الحين ولله الحمد..
لا اعتراااض على ما كتبه الله
المهم انا ماريد اسوي عملية اطفال الانابيب الا وانا متاكده ومتطمنة من كل النواحي.. فااا شو رايكم باطفال الانابيب؟؟؟ هل لها اثار جانبيه عقب العملية؟؟ بتعب وااايد؟؟ العملية تعووور؟؟ كم نسبة نجاحها؟؟ للعلم انه عمري 22 سنة .. وريلي عمره 24 سنة.. في وحده جربت العملية ونجحت؟؟
كل شي من رب العالمين.. الحمد لله ريلي بدا ياخذ عسل وحبة سودة وطلع النخل يعني خلطة اخذها من القرية اليمنية.. سواها جدامه اليمني جزاه الله الف خير.. وانا قلت حق ريلي حاول تكثر من الاستغفار وانا بعد بكثر من الاستغفار باذن الله ومستمرة باذن الله بسورة البقرة وسورة مريم..
للعلم: ريلي ما يدخن ولا ياخذ منشطات.. هالشي طبيعي من رب العالمين.. انا الحمد لله كل تحاليلي سليمة والدورة منتظمة ولله الحمد ورااااضية بكل شي..
بس ابغيكم تطمنوني بالعملية.. اسويها؟؟ وانا ناوية استخير باذن الله الليله.. والله يكتب لي كل خير فيها
والسموحه منكم يا اخوات
و توكـلـوا عـلى رب العألمـيـن ,, و سووهـا ,, وايدين سوو هالعمليـه ,, و بعـضهـم مـا تنجح عندهـم العمليه إلا من ثالث أو رابـع مـره ,, و لازم بين العمليه و الثانيه تقريبا 4 شهـور ..
فلا تضيعين الوقت ,, صلي الاستخاره و إذا اللـه يسر عـلى طول احجزوا مـوعـد ..
اللـه يرزقـج و يرزقنـي بالذريه الصالحـه ,,
وصح لازم اعجل في الامر.. ماشي وقت
الله كريم
توكلي على الله و لا تفوتين الايام
و خلطة العسل انتي بعد خذي منها
انا سويتها 9 مرات اذا تبين اي سؤال انا حاضره
ويارب تتوفقين من اول مره وتبشرينا 