انا كا بكتب مقال من مليون كلمة
أو
بسوي كوبي بيست لمقالات
ابغي اسألكم شي واحد بدون لف و دوران
و بدون
ما تقولون ليش نحن نتغير و هم ما يتغيرون ؟
منو تبغي تتغير ؟
منو تبغي تغير الطرف الثاني ؟
منو مقصرة في حق نفسها و دينها و اهلها و اهل زوجها و عيالها و زوجها ؟
منو مالها بارض للكشخة و يوم تكشخ كأنه فرض عليها لزوجها و خلاص ؟
منو فيكم لو سارت العرس الفلاني تسوي و تتكشخ و تتعدل
من تدخل بيتها مسحت كل شي و بدلت و لبست بجامتها ؟
منو فيكم لا تدلع نفسها ولا تهتم بنفسها ولا تروح تسوي لها مساج تدلع عمرها او تحط ماسك ؟
منو فيكم لو اذن الظهر او العصر ما تنادي ريلها و تشجعه للصلاة؟
منو فيكم ما تلحق ع طلبات اهل ريلها و حنتهم المستمرة ؟
منو فيكم شالة في خاطرها ع اهل زوجها او زوجها او ……..الخ؟
منو فيكم تحس نفسها مب جميلة ما فيها جمال او اغراء او لباقة او رومنسية ؟
منو فيكم ايى ريلها من الدوام و هي شوي شوي لا اراديا تتحرطم ؟
منو فيكم ما تشوف ربيعاتها شرات قبل ؟
منو فيكم ريلها ريلها عصبي او هي عصبية عنيدة ؟
منو فيكم عندها مشاكل مع ام ريلها ؟
منو فيكم عندها مشاكل و تنشرها للعلن او لقرايبها ؟
منو فيكم عندها مشاكل حتى في الفراش ؟
انا مرات تصير فيني امور بشكل لا ارادي ما انتبه
بس جمن وحدة فيكم تقول في خاطرها انا غلطانة من ساس ل راسي
و تقول لو كنت مكانه شو بقول و شو بيكون ردي ؟
اليوم برنامجنا يدعووووا للتغير اللي حابة تتغير في شي معين
تكتب عنه وانا بحاول انزل اشياء مفيدة بين فترة و الثانية
و نبغي نقييس ردود الطرف الاخر و تجاوبه بدون لا يحس ان نحن نتغير للأحسن
انا حبيت افكار دانة دبي في مواضيعها
لو ممكن تساعدنا او اي عضوة ثانية تساعدنا
و تكون معروفة ف القسم
وبعدلهااا
ومافيه حد كامل بس مجرد انج عرفتى نقط الضعف عندج
او الاشياء الى ماتحبيهاا
هذى نقطة البدايه
انا الصراحة عصبية وصوتي يعلى واعصب بس عكب دقايق بس اندم وحتى بعض الاحيان اتكلم وايد عن نفسي وحياتي الزوجية ما اعرف شو فيني يعني احس الي بقلبي على لساني ممكن لاني طيبة زيادة فهمتوني يابنات يعني مثلا لو سرت مكان وشفت حرمة وتعرفنا اتكلم عادي اخبره عن حياتي يمكن لاني ما عندي صديقات وقليل اختلط مع الناس ياريتلو تعلموني شلون اغير من طبعي واكون كتومة وما اتكلم كثير يارب اتكلم وبعدها اندم وكانما مش اني الي كانت تتكلم هالكلام …
