شحاااالكم بنات عساااااكم بخير..
هاي اول تجربه لي في صنع هاللسويت واول مره احط موضوع فهالقسم
بشكارتنا كانت تسوي حقنا بس للاسف سافرت واليوم سألت وعرفت الطريقه
وقلت خل اجرب عشان نسويه مره ثانيه فرمضان
يالله نبدا
المقادير:
بسكويت اولكر
1 كوب كبير نيدو
1 فنجان شكر
1 فنجان زيت
2 قشطه
2 كريم كراميل
الطريقه:
نرص بسكويت اولكر بصينيه بايركس يفضل مربعه عشان يكون الترتيب احسن .. انا ما حصلت مربعه فسويت بالدائرية
.. رصووه رص عسب الخلطه اللي فوق تثبت… ومع تبليله بشويه حليب
نحمر النيدو على النار لين يستوي لونه بني اشقر
وبعدين نصبه فطاسه ونخلط وياه القشطه والشكر والزيت
نخلط بالخاشوقه لين يستوي جي
وبعد ما يخلص نصبه على البسكويت (نسيت اصور هالشي^_^)
وبعدين نحط طبقه ثانيه من البسكويت
والحين نحط 3 ارباع كوب ماي مع 2 كيس كريم كراميل على النار ونخليه لين يغلي
وبعد ما يغلى نحط عليه قشطه او في ناس تحب تحط نيدو ( على راحتكم)
وبعد ما نخلطه نصبه على البسكويت .. اهنيه ما اتغطى المكان كله لان مثل ما قلتلكم البايركس
المربع يكون ارتب وما يكون شي فوق وشي تحت
وعقب نحطه فالثلاجه
وجي بيطلع.. طبعا الصوره من النت لان خواني كلوه قبل لا اصور
بس نفس الشكل بيطلع
وبالعافيه عليكم
ان شالله يعجبكم
تسلمين اختي
والطريقه وايد سهله
ان شاءالله بسويه في رمضان ^^ تسلميين حبوبه
بصراااحه شكله حلو وأكييييد طعمه لذييييذ
تسلم إيدييييد ،، وإن شاء الله إنشووف مشااركاتج فهالقسم ^
احلآ شي الخلطه يم يمي ^^
تسلميييييين حبوووبه عالطريقه وكثري من هالزين والوصفات قبل رمضاان
فرحتوني وشجعتوني وان شالله
المره اليايه بطبق اللي فالمنتدى