بشت زايد . محلا من أيام الصغر

عزيزاتي

السلام عليكم….

يوم كان عمري ١٠ سنوات تقريبا… يعني قبل ١٥ سنه… (لا تحسبون عمري )

كنا ناكل محلا يسمونه "بشت زايد"… نوع من المحلا بس واااااااااايد خفيف الرقاق ماله

والله إنه خاطري فيه وأبا أتعلم أسويه….

اللي اتعرفه أو سامعه عنه ياريت اتخبرني….

مشكورين

تحياتي

Ro’s

حتى أنا بس يمكن أنتي تقصدين محلا زايد

انا بعد اعرفه بمحلا زايد
ومقاديرة
طحين – سكر – حليب بودره – بيض – هيل وزعفران – ماء

تخلطين كل المقادير مع بعض وتخلينها 10 دقائق
اتصبينه بمغرفه ما الصالونه في التاوه وتحركينها حركه دائريه تخلينها تحمرمن تحت وتقلبينها
واتمنا اكون ساعدة في شي وبالعافيه

تسلمون على الردود….

والله أنا أذكر إنا كنا انسميه بشت زايد… يمكن غيرنا الاسم بروحنا… لوول

بحاول أسويه وبحطلكم الصور ان شاء الله…

تحياتي

Ro’s

والله يا Ro’s شهيتينا للأكل ……. زين يوم في خاطرج اسألي اللي كنتي تاكلين عندهم

وعلميناااااا ,,,,, مبين طريقتكم أحلى ………….

ونحن وياج اريد اعرف شو هو

والله اللي كانت اتسويه هيه إميه…

بس الحين اعتزلت الطبخ… لوول…

هي مسافره الحين وان شاء الله أول ما اترد بسألها وبخبركم

تحياتي

Ro’s