يسعدلي صباحكم ، مساكم بكل خير وموده : )
شحالكم خوااتي ؟
كل وحده فينا طمووحها تخلص دراستها وترفع راس اهلها وتخدم هالارض الطيبه وشيوخنا ربي يطول بعمارهم اللي عمرنا ما بنظهر من يزاهمم
ووصلنا لآخر محطة اللي هي الثانوية العامة ، سنة تحديد مصير كل شخص فينا والكل يشد همته ف هالسنه بيودع ايام الدراسه وبيستقبل حياه يديده ، حياه جامعية واللي هي وقت الاعتماد ع النفس وبناء الذات ورسم المستقبل
كل واحد فينا له حلم هذا دكتور هاي مهندسه ولد فلان محامي وغيره وغيره
وندخل ف صلب الموضوع واللي هي المشكلة الاساسية : )
عندي وحده من ربعي ولله الحمد الحينه ف الثانوية العامه القسم العلمي وماشاء الله عليها من الشطار ونسبتها فوووق . .
وكل واحد فينا طموحه الجامعه والدراسات العليا بس تمشي الرياح بما لا تشتهي السفن
الام والاب منفصلين من سنين وآلام متوليه حضانه أبنائها ،
طبعا بعد سنين من الركيض ف المحاكم بس للأسف !!
لا مسكن ولا سياره ولا خدامه ولاحتى مصروف
والابو معاند ما يعطيهم الجوازات ولا يسوي بطاقة الهوية . .
وانتو مثل ما تعرفون الحينه الدنيا ما تمشي بليا بطاقه الهوية ، ومن شروط إدارة التسجيل والقبول ف التعليم العالي ( بطاقة الهوية ) ولاكن لا حياه لم تنادي ، البنت بيضيع مستقبلها والسبب !! عنااد الابو وظلمه
وف امتحان السيبا اللي بيكون خلال السنه الدراسه من شروطه إحضار جواز السفر الاصلي !!
وآلام مب بيدها شي وهي اصلن ما تراكض الى ع اخر دقيقه يعني يوم بيفوت الفوت !!
خواتي ، حبيباتيي !
اللي عندها خبره ف هالمواضيع تفيدني وربي بدعي لها من قلبي
يعني الاشيا اللي تقدر البنت روحها تسويها ؟ او الجهة اللي تقدر تشتكي فيها عليه، او تاخذ حقها فيه . .
من فرج كربه اخيه المسلم ، فرج الله له كربه من كرب يوم القيامة
وربي يجازيكم الف خيرر
فداعه الله *
ان شاء الله البنات بيفيدونج
امي سارت المحكمه واشتكت لان انا كنت بسسجل بالجامعه وما عندي بطاقه الهويه ولا الجواز
فالمحكمه يطرشون بلاغ للاب
اذا ما حظر للمحكمه بموعد الجلسه خل امج اطلع بلاغ من المحكمه
بيبلغون الشرطه اللي بالمنطقه اللي ساكن فيها ابوج وبيمسكونه وبيودونه ع طول للمحكمه وغصبن عليه بيب الجوازات
بس خل ام اربيعتج اتسير الحين لان الموضوع يباله شهر او شهرين
ان شاء الله حد يفيدج حبوبة
للرفع