هلا خواتي
اولا احمد الله على كل شي …
ثانيا اشكر كل الاخوات " اللي كانت ردودهن راقيه " و الصراحه استفدت من كلامهن وايد
الله يجزيهن خير …
الموووووهيم …
قبل اسابيع كتبت موضوع … وهالرابط اللي حابه تشوفه بعنوان بطلق بسبب منتدى والرسايل الخاصه
https://forum.uaewomen.net/showthread.php?t=921601
الحين بعد ماصار هالمشكله … ويوم كتبت الموضوع كنت فبيت اهلي … وكنت محتاااره وااايد
ماعرف شو اسوي .. ولا خبرت اهلي بالمشكله … وسترت علينا ههه
بس ف هالفتره عرفت محد يقدر يساعدني " غير القادر على كل شي ..ربنا "
المهم قويت علاقتي مع ربي
بالاذكار .. كثرت من لااله الى انت سبحانك اني كنت من الظلمين "
لا اله الا الله وحده لا شريك له له الملك وله الحمد وهو على كل شي قدير
حسبي الله لا اله الى هو عليه توكت وهو لرب العرش العظيم
و غيرها من الاذكار وطبعا الاستغفار … و الدعاء لريلي و لي …
ودعيت ان الله يرزقني الحكمه فالتصرف والصبر عند الغضب …
وبعدين
قررت اغير اشياء وااااايد فيني … واعترفت بصوت عالي لنفسي …
قلت " انا اللي طلبته من ريلي مب غلط لكن اسلوبي كان غلط
" كان اسلوب اطفال ويخالطه العصبيه والعناد .. ومثل ماتحرني بحرك "
وقلت
مهما قسى علي زوجي راح اخليه يموووت فيني واكثر .. بس بستخدم طريقة الحب المبالغ
وبصبر وبصبر لاني راح اتعب …
وقلت هالمعركه مب بيني وبين ريلي هالمعركه بيني وبين الشيطان
الشيطان يستخدم المنتدى وانا بستعين برب العالمين ..
صرت اطرش له مسجات دلع وحب
و شوق فالبدايه طبعا مارد عليه … بعدين دشيت المسن قلت برمسه عالمسن …
و رمسته وقالي انه يحبني واايد والبنات اللي فالمنتدى مايسوون ظفر ريلي …
بس حاليا هو متضايق واحسن لنا انتم بعيد ونفكر فاللي صار ونتعلم
بس انا كنت مخنوقه ماكنت اريد اتم بعيد عنه عسب ماياخذ راحته فالنت والمنتدى
وانتهى كلامنى فالمسن … وتميت حوالي 4-5 ايام كله ادعي وارسله مسجات حب وشوق
طبعا هو كان شوي قاسي حتى فمسجاته بس كلام عالماشي … مب من خاطره
كنت ادخل المنتدى و يوم اشوفه داش " متواجد " اتصل وارسله مسجات واذكره اني احبه
عشان اكسر بخاطره و يتذكرني ومايروم يخون او يرمس غيري … طبعا ما كان يرد علي
وهالشي كان يحطمني و اوسوس واقول لنفسي انتي ماعندج كرامه لاتعقين نفسج عالريال
لكن عقب اتعوذ من ابليس واصيح شوي وادعي … واقول اذا مادست على نفسي بيتعلق فبنات النت
خاصة انه يحس انه مجروح ومهموم … وعب ايام طرشلي رساله بخط ئيده
عاد اختكم استانست قلت اكيد رساله حب … والله قطعت قلبي الرساله كاتب 10 صفات مب حلوه فيني
وطالب اني اغيرهن … بنات والله ماتعرفون كيف كنت عايشه .. كنت مخنوووقه لان محد يعرف بالسالفه … بس مسكت نفسي قلت والله ارويك يا الشيطان … الشيطان يباني اعصب واتصرف نفس قبل
بس الحمدلله تصرفت بحكمه " وطرشت له مسج قلت له " افى عليك بس 10 … لو كاتب 100
كنت بتغير عشان خاطر عيونك وعشان الحب اللي بينا ^__^ وعاد عطيته من كلام الحب …
بس بعد مارد عليه …
" عقب قلت يمكن ريلي صدق مجروح … يمكن صدق مايكلم بنات … اممم قلت بجرب
بدش المنتدى وبطلب اني اتعرف عليه وبشوف كيف طبع بــو الشاب …
المهم دشيت المنتدى باسم دلع انثى <<< غاااوي
وشاركت وشاركت سويت لعمري رصيد ومكان فالمنتدى …
وعقب طرشت له رساله وقلت له ابى اتعرف وانا عايبتني مواضيعك
قالي : عادي بس عشان نستفيد
وانا فيني شي لو عرفتيه ماتبين تتعرفين علي ..
رديت قلت شو ؟!
قال انا متزوج .. <<<<<<<<<<<<<< والله ضغطي ارتفع بغيت اموووت … يعني انت تبى تتعرف بس لانك متزوج ماتروم ؟؟!!
المهم رديت عليه رساله .. وقلت لا عادي اصلا المتزوجين احسهم عاقلين
تخيلو شو طرش ؟؟؟
طرش ئيميله ؟؟؟؟ عطاها ئيميله عسب يتعرف ؟؟
آآآآآآآآآآآه عاد هني عالمي وحبي و صبري عليه كله اهتز واتكسر …. والضغط انفجر …
قلت بعد يباني اثق فيه ؟؟!! وكلمته فالمسن والله بنات اكتب وانا خاطري اكفخه هههههه تكلمنا شوي
بس شكى لها الحال وقال انا متزوج ومتضارب مع زوجتي … وعق قال انا رايح بكلمج فالليل ؟؟ << تخيلو بس 
وقال مشكوره فتحت قلبي لج والله يخليج <<< ماقول غير آآآه
بعدين دقيت له قلت بخليه يسمع صوتي بعد ماخاني او شبه خيانه …وكلمته طبعا بحب وشوق وقلته تعال خلنا نرجع قال لااااا خلنا اسبوعين جي وانا ميته غيض اعرف يبى يرمس فالبيت على راحته
على طول دقيت لاخوي فديته كان رايح الدوام الجيش قلتله
الحين توديني بيت ريلي وكنت اصيح … طبعا انا فاماره وريلي فاماره ثانيه يعني درب …
قال ساعه وبكون عندج … وصل اخوي .. صحت وخبرته الموضوع ورويته المحادثه وقلت له احلفك
لو انا غلطانه قولي … قااااااااااااال " لا والله انتي مب غلطانه وغيرتج مب مذمومه عاااديه ومن حقج … قال انا بوديج وسيري حطيه فالامر الواقع وقوليله انا دلع انثى ..؟ عقب بينكسر من الداخل وبيستحي .. " قلتله هيه هذا رايي من البدايه .. طرشت مسج لريلي قلتله " احبك ومستحيل اخلى الشيطان يفرق بينا ومستعده اسوي المستحيل عسب نتصالح ونرجع لبعض " … وتسبحت وتكشخت
ورحنااااا تخيلو … وصلت بيت ريلي الساعه 2 فليل … مادقيت الجرس .. على طول من الحره طاخ طاخ طاخ ع باب الصاله هههههه … طلع ريلي متكشكش << فديت كشته … وانصصصصصصصصصصصدم من الخااااااااااااااااااااااااطر …. استااااااااااااااااااااااااااااااانس وااااايد تخيلوا اول ماشافني قلتله مفاجئه .. على طول حضني وقال كيف ييتو .؟؟ مع منو ..؟
وعاد اخوي نزل الاغراض وراح … ريلي يحضني و يسالني كيف وليش ..
عاد انا عطيته ذيك النظره وقلت له .. " انت قلت تبى تكلمني فليل وماعيبني المسن قلت بزورك مره وحده " ريلي عيونه طلعت برا ويلس يتذكر المس … قال انتي دلع انثى ..؟
قلت يس … طبعا يلسني عالكرسي ويلس يلف ويدور يحاول يطلع عمره برئ ويقول انا ماغازلتها
قلتله انا ماقلت غازلتها بس ماقصرت تتعرف عليهم ويليت تنصح يالس تشكي الحال .. قلتله خلاص سكر الموضوع انا ييت وضربت خط عسب نتصالح … " طبعا ريلي كان منقفط بس يحاول بكل الطرق عشان يخلي لللحيه كرامه " عقب قال اوكيه انا غلطان 90% بس انتي السبب …
ويحاول يتكلم ويلف ويدون … وانا اسوي طاف ارمس اليهال ومرات اقوله خلاص عادي انا مب يايه افتح الموضوع .. حسيت منكسر ومحترق .. بعدين سكت شوي … وتغير ويه وقااااااااااااااااال
" اذا انا طحت من عينج خلاص اطلبي الطلاق وانا مابتكلم ولا بقول شي …" قلتله << طبعا في هاللحظه انا مستاااانسه وحاسه بفرح لاني وااايد تعبت وصبرت على قسوته … قلتله لو انت طايح من عيني مابضرب خط بنص الليل بس عسب اشوفك وافاجئك … حضني بقوو وقال انا اريدج انتي وبس
خليني معاج وانا مب خايس والله مب خايس وقال انتي ماتعرفين انا وااايد اخاف اخسرج .. وماعرف كيف اعيش من دونج واللي صار انا غلطان فيه 100 % خاصة سالفه المسن ..
وعقب طبعا قلبي حن عليه وقلتله اني احبه و مستحيل اشوف الشيطان يلعب بعقله واسكت …
والحمدلله تصالحنا .. وكل اللي صار تجدد الحب .. والباقي كله راح مع الايام ..
وتعلمت ان الانسان اذا تصرف بحكمه مع صبر راح يحصل اللي يريده …
تعلمت وااااااايد اشياء .. و ريلي بعد تعلم وااايد اشياء …
تغيرت … وتغيرت … عشان الحب اللي بينا …
انتهـــــــــــــــى
"احب اخص بالشكر لكل اخت طرشت لي عالخاص تواسيني وتنصحني "
الله لا يفرقكم وان شالله حيااتكم اليديده كلهاااا افراااح ياااارب العالميين ..
والله يسعدج دنيآ وآخره
والله لايفرق بينكم ولايفتح باب للشيطان بينكم مره ثانيه