" بعد ربيعتي كرهت كل الرياييل بسبته"

كيف ابدأ كلامي

ربيعتي و حبيبة قلبي

صديقتي الصدوقة

جهزنا حق ملجتها

يعني كنا ع وشك نختار فستان الملجة

وهي بينها و بين نفسها خططت كيف بتسو ملجتها………….

وجم وحدة من ربيعاتنا يدرون انها مخطوبة ……………

آخر شي

ما رد الريال يتصل عسب يكملون ترتيبات الملجة ……..

الزبدة : شكله هون عن الموضوع و ما ادري السبب……………

مع انهم يحبون بعض …………

والريال زين …………………

وربيعاتنا كلهم كانوا يمدحونه ………

البنت متغيرة مب شرات اول

ما تسأل عنا و عن ربيعاتنا وانا عاذرتها

وحليلها ما تستاهل…………….

احس هي مرات تكون تعبانة بس ما تخبرنا…………..

دوم لما حد يسألها تقول ما افكر بالعرس …………….

يوم حد يرمس عن سوالف العرس ويهها يتغير 360 درجة…………

ما ادري شو اسوي ؟……………

إن شاء الله الله يرزقها بريال احسن عنه …………

بس حتى هاي الجملة ما اقدر اقولها اخاف تزعل …………..

وبعد قبل فترة يت حرمة تبغي تخطبها حق ولدها …………

وهي رفضت ………..

وتصدقون يوم ايى عندنا اي ريال ف الدوام

مالها خلق حق شي ………. شكلها كرهت كل الرياييل………

حتى كل الشباب اللي ف الدوام لاحظوا عليها………

ما تسلم عليهم ………

ودايما يسألون شو فيها؟ متغيرة عن اول……..

حتى ضحكتها اختفت ……… الإبتسامة اللي دوم كانت ع شفاتها راحت…….

الكل كان يسأل عن سر ابتسامتها ………

وكان هو هذا الشخص ……..

وكانت ابتسامتها سببه هذا الشخص

بس خلاها تعيسة الحين …………………

والحين هي ما تروم ترقد ……………..

ويبين عليها انها مب راقدة……………

هي دايما النشيطة بين كل البنات اللي ف الدوام ……..

بس الحين مالها خلق شي…………

شو اقدر اسويلها ؟
أمانة عليكم كل وحدة تدخل ترد ع موضوعي
يا ريت ما تقصرون بنصايحكم

ممكن تساعدوني………….

بقولجـ انـآآ ككرهـتـ كـل الريـاييل وسبهـ ريلي حتى طاري الزواج

بـس هالشي اللي صـآرلي مـآخليتهـ ياثـر علي

والله يعينهـآآ ^ـ^

ايام وبتنسى لازم اول الايام بتكون تكرهم لانها تعقدت بس بعدين بتتغير

ولازم تؤمن انه قضاء وقدر وماتخلي واحد يهز ثقتها بنفسها وبكل الناس

الله يعنيها

ها ثاني موضوع اقراه عن كره الرياييل > شكلي بكرههم حسبي الله ونعم الوكيل

احس الوحدة ما تقدر تنسى واحد الا اذا ياها واحد ثاني يحل مكانة أو انه هي روحها تشغل عمرها في اشياء ما تعطيها فرصة اتفكر. ليش ما تسحبينها وياج اي نادي جريبحصة اريوبكس.. تقدر اطلع الطاقة السلبية (وايد اتفلسف ادري) بس صدق الرياضة وايد مفيدة .. و لا انتي قوليها انه عندج موضوع تبين رأيها فيه و سيروا البحر .. اتمشوا لمدة نص ساعة و الفي اي مشكلة اتخليها هي اتفطر في مشكلتج انتي بدال ما تركز على مشكلتها. انا مرات يوم ريلي اتكون عنده مشكله و اعرف انه ما اقدر اسوي شي.. اقوم اخترع مشكلة من مخي عشان ينسى مشكلته هو و وايد تنفع هاي الطريقة وياي ..
الله يعينها

الله يرزقها الزوج الصالح

يمكن لانها بعدها لين الحين تحبه حاولي ترمسينها وتنصحينها انه مب نهاية الدنيا