عزيزاتي انا بخبركم عن سالفة ربيعات بنتي وابيكم تعطوني رايكم وتساعدوني من خلال تجاربكم …
بنتي في الصف الخامس ومن يومين بنتي قالت لي بان زميلاتها بيزورننا في البيت قلت حياهم الله ..
وطبعا وقت العصر وصلوا عندي في البيت ةدخلن وسلمن عاد تعالي شوفن شو لابسين …
صدقوني وحدة لابسة سكيني وعليها عباية وشيلة ومعاها موبايل بو كاميرا…والثانية لابسة جينز وعليها عباية
وشيلة …والثالثة جينز مع شيلة وموبايل …صدقوني البنات اللي لابسات عباية وشيلة للمظهر لا غير مب للتحجب
وانا معودة بناتي عالمخورات وقت الطلعة وثياب عادية بيجاما وقمصان طويلة في البيت …
والله استغربت من المنظر اللي هم فيه …وطبعا بدون رقابة السواق والبشكارة وصلوهم وراحوا …
البنات دخلوا الميلس وبعد دقايق اسمع اغنية وادخل عليهم واقول لبنتي شو هذا فردت وحدة منهم بنحط اغنية ونرقص ….نعم نعم شو قالت يبون يرقصون ….
قلت للبنات يلسن بدون هالسوالف وكل وحدة تاخذ موبايلها وتحطه على الرف في النيلس والباب ما يتسكر ….. حاليا ما عندي اولاد في القسم وما يحتاي تسكير باب …
صدقوني يلسن ساكتات …وبعد شوي راحن …طبعا قالوا لبنتي تروح وياهم وانا ارفض هالسوالف …
بناات يروحن يزاورن بدون رقابة اهل …
بعدين يقولون اغتصبوا اعتدى عليها ما الغلط من الاهالي ….!!!!!!!!!!!!!!!!
مب من الاجانب …
راعوا عيالكم شوفوا لبسهم …شوفوا ربعهم عيال منو ؟؟؟؟
تاكدوا هالناس اللي رايحين لهم عيالكم تعرفون زين ما زين والا ما تدرون عنهم شي بس تبون الفكاك من العيال ….!!!!!!!!!!!
يا ريت تخبروني شو اسوي ؟؟؟؟ كيف افهم بنتي تيتعد عن هالاشكال ؟؟؟؟ اغير صفها احسن …؟؟؟
يلا شاركوني آراءكم حبيباتي ….
الصراحه انا بعد اشوووف جي
بنات صغار تلفون وكمبيوتر ، وعقب شووفي وحده تقوول صورتي انشرت وحي تقوول
فلانه سولي جي
الام تشوفيها مشغوله ويا نفسها وابو نفس الشي ، العيال عند البشكاره والدريول
لازم يختربون ..
ماعرف الاهالي اللي يطلعون بناتهم بهالشكل بشو يفكرون
البنت مب صغيره وتفهم كل شي
المفروض يكون فيه رقابه من الاهالي
وبنتج اترومين اتفهمينها ان هالشي غلط
وانتي ماترضين انها اتسوي شراتهم
سواء في الطلعات او اللبس او التيلفون او اي شي غلط يسوونه
وهي مب صغيره وتفهم
عيبني تصرفج..
فهمي بنتج شو اللي يستوي هالأيام والله اترمسونهن واتفهمونهن من الحينة أحسن ..
وقوليلها اللي تسوي جذي الناس تتطالعها بطريقة مب حلوة ..
صدق واللهـ زمن عجيب …!!!
و باركَ اللهـ فيج انج منتبهه على بنتج مب شرات بعض الاهالي …:S
اللهـ يستر ع الجميع …
امي للحين ما تخليني ازور اي وحدهـ من ربيعاتي الا يوم تشوفها و تشوف اهلها و ترمسهم و ترتاح لهم …
عقب تسمحلي اسير كثر ما ابا …
ربي يعينج على تربيتها ان شاء اللهـ كلهـ بميزانج …(:
||
نبهي بنتج من هالبناااات .. اللي ينشاف اولها, ينعرف تاليهاااا..
والله يبعد عن بنتج الشر .. ويحميها من مثل هالبناااات ..